ಬಳ್ಳಾರಿ ಜಿಲ್ಲೆಯ ಲಿಂಗನದೇವನಹಳ್ಳಿಯಲ್ಲಿ ಕಾಲರಾ,ನಿಷೇಧಾಜ್ಞೆ ಜಾರಿ

ಬಳ್ಳಾರಿ : ಜಿಲ್ಲೆಯ ಲಿಂಗದೇವನಹಳ್ಳಿಯನ್ನು ಕಾಲರಾ ಪೀಡಿತ ಪ್ರದೇಶವೆಂದು ಅಧಿಕೃತವಾಗಿ ಜಿಲ್ಲಾಧಿಕಾರಿ ಜಾವೇದ್‌ ಅಖ್ತರ್‌ ಅವರು ಘೋಷಿಸಿದ್ದಾರೆ.

ಕಾಲರಾ ಹರಡುವುದನ್ನು ತಡೆಗಟ್ಟುವ ಸಲುವಾಗಿ ತಾಲ್ಲೂಕಿನಲ್ಲಿ 50 ಮಂದಿಗಿಂತ ಹೆಚ್ಚಿರುವ ಗುಂಪು ಚಟುವಟಿಕೆಗಳನ್ನಾಗಲೀ, ಸಮಾರಂಭಗಳನ್ನಾಗಲೀ ಆಯೋಜಿಸುವುದನ್ನು ನಿಷೇಧಿಸಲಾಗಿದೆ. ಈ ನಿಷೇಧಾಜ್ಞೆ ಇನ್ನು 21 ದಿನಗಳ ಕಾಲ ಮುಂದುವರೆಯಲಿದೆ ಎಂದು ಜಿಲ್ಲಾಧಿಕಾರಿಗಳ ಪ್ರಕಟಣೆ ತಿಳಿಸಿದೆ.

ಹೋಟೆಲ್‌ಗಳಲ್ಲಿ ಕಡ್ಡಾಯವಾಗಿ ಕುದಿಸಿದ ನೀರನ್ನು ನೀಡಬೇಕು. ಅಲ್ಲದೆ, ದಾರಿ ಬದಿಯಲ್ಲಿ ತಿಂಡಿ ತಿನಿಸುಗಳನ್ನು ಮಾಡುವುದು, ಮತ್ತು ತೆರೆದ ಟ್ಯಾಂಕ್‌ಗಳಲ್ಲಿ ನೀರು ಶೇಖರಿಸುವುದನ್ನು ನಿಷೇಧಿಸಿರುವುದಾಗಿ ಜಿಲ್ಲಾಧಿಕಾರಿಯವರ ಪ್ರಕಟಣೆ ತಿಳಿಸಿದೆ.

(ಇನ್ಫೋ ವಾರ್ತೆ)