• search

ಉಗ್ರರ ಆಕ್ರಮಣ : ಅಮೆರಿಕದಲ್ಲಿ 10 ಸಾವಿರ ಸಾವಿನ ಶಂಕೆ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ನ್ಯೂಯಾರ್ಕ್‌ : ಅಮೆರಿಕದ ಮೇಲೆ ಉಗ್ರರು ನಡೆಸಿರುವ ಆಕ್ರಮಣದಲ್ಲಿ ಹತ್ತು ಸಾವಿರ ಮಂದಿ ಸತ್ತಿರಬಹುದು ಇಲ್ಲವೆ ಗಾಯಗೊಂಡಿರಬಹುದು ಎಂದು ಶಂಕಿಸಲಾಗಿದೆ. ಒಂದರ ನಂತರ ಒಂದರಂತೆ ಅಮೇರಿಕದ ವಿವಿಧ ಸ್ಥಳಗಳಲ್ಲಿ ಮಂಗಳವಾರ ನಡೆದ ವಿಮಾನ ದಾಳಿಯಲ್ಲಿ ಸತ್ತವರ ಸಂಖ್ಯೆ ಸಾವಿರಗಳ ಸಂಖ್ಯೆಯಲ್ಲಿದೆ ಎಂದು ಅಧಿಕೃತ ಹೇಳಿಕೆ ತಿಳಿಸಿದೆ.

    ಅಮೆರಿಕದ ವಿಶ್ವ ವಾಣಿಜ್ಯ ಕೇಂದ್ರದ ಅವಳಿ ಕಟ್ಟಡ, ಪೆಂಟಗನ್‌ಗಳ ಮೇಲೆ ಮಂಗಳವಾರ, ಅಪಹೃತ ವಿಮಾನಗಳ ನೆರವಿನಿಂದ ಉಗ್ರಗಾಮಿಗಳು ದಾಳಿ ಮಾಡಿದ್ದರು. ಕಟ್ಟಡಗಳಿಗೆ ಬಲವಂತವಾಗಿ ವಿಮಾನಗಳನ್ನು ಡಿಕ್ಕಿ ಹೊಡೆಸಿ ಕಟ್ಟಡವನ್ನು ಧ್ವಂಸಗೊಳಿಸಿದರು.

    110 ಅಂತಸ್ತುಗಳ ಬೃಹತ್‌ ಭವ್ಯ ಕಟ್ಟಡಕ್ಕೆ ವಿಮಾನ ಡಿಕ್ಕಿ ಹೊಡೆಸಿದ್ದರಿಂದ, ಕಟ್ಟಡ ಜಖಂಗೊಂಡಿದ್ದಲ್ಲದೆ, ಭಾರಿ ಪ್ರಮಾಣದಲ್ಲಿ ಬೆಂಕಿ ಹತ್ತಿಕೊಂಡಿತು. ಭಾರಿ ಹೊಗೆ ಇಡೀ ಪ್ರದೇಶವನ್ನೇ ಆವರಿಸಿತ್ತು. ಒಂದು ಗಂಟೆಯ ಬಳಿಕ ದಕ್ಷಿಣದ ಗೋಪುರ ಭಾರಿ ಶಬ್ದದೊಂದಿಗೆ ನೆಲಕ್ಕೆ ಕುಸಿಯಿತು.

    ಸುಮಾರು 50 ಸಾವಿರಕ್ಕೂ ಹೆಚ್ಚು ಜನರು ಕಾರ್ಯ ನಿರ್ವಹಿಸುವ ಈ ಕಟ್ಟಡಲ್ಲಿ ಹತ್ತಾರು ಸಾವಿರ ಜನರು ಸತ್ತಿರಬಹುದು ಎಂದು ಹೇಳಲಾಗಿದೆ. ಅಮೆರಿಕದ ಮಿಲಿಟರಿ ಸಾರ್ವಭೌಮತೆಯ ಪ್ರತೀಕವಾದ ಪೆಂಟಗಾನ್‌ ಮೇಲೂ ದಾಳಿ ನಡೆದಿದೆ. ಪಿಟ್ಸ್‌ಬರ್ಗ್‌ನಲ್ಲಿ ಯುನೈಟೆಡ್‌ ಏರ್‌ಲೈನ್ಸ್‌ ವಿಮಾನ ಅಪಘಾತ ನಡೆದಿದೆ.

    ಕರಾಳ ಮಂಗಳವಾರ ನಡೆದ ಕೆಲವು ಘಟನೆಗಳ ವಿವರ :

    ಅಮೆರಿಕ ಕಾಲಮಾನ ಬೆಳಗ್ಗೆ 8:55 (ಭಾರತೀಯ ಕಾಲಮಾನ ಸಂಜೆ 6.25) - ಮೊದಲ ಅಪಹೃತ ವಿಮಾನ ವಿಶ್ವ ವಾಣಿಜ್ಯಕೇಂದ್ರದ ಅವಳಿ ಕಟ್ಟಡಕ್ಕೆ ಅಪ್ಪಳಿಸಿತು.
    9:05 - ಎರಡನೇ ವಿಮಾನ ಮತ್ತೊಮ್ಮೆ ಇದೇ ಕಟ್ಟಡಕ್ಕೆ ಡಿಕ್ಕಿ ಹೊಡೆಯಿತು.
    9:28 - ವಿಷಯ ತಿಳಿದು ಬೋಸ್ಟನ್‌ ಪ್ರವಾಸ ಮೊಟಕುಗೊಳಿಸಿ ವಾಷಿಂಗ್ಟನ್‌ಗೆ ಹಿಂತಿರುಗಿದ ಅಧ್ಯಕ್ಷ ಜಾರ್ಜ್‌ ಬುಷ್‌ರಿಂದ ಭಯೋತ್ಪಾದಕರನ್ನು ಬೇಟೆಯಾಡುವುದಾಗಿ ಘೋಷಣೆ.

    9:45 - ಪೆಂಟಗನ್‌ ಮೇಲೆ ಮೂರನೇ ವಿಮಾನ ದಾಳಿ
    9:48 - ಪ್ರಮುಖ ಕಟ್ಟಡಗಳಿಂದ ಸುರಕ್ಷಿತ ಸ್ಥಳಕ್ಕೆ ಜನರ ಸ್ಥಳಾಂತರ
    9:49 - ಎಲ್ಲ ವಿಮಾನಗಳ ಸಂಚಾರ ಸ್ಥಗಿತ
    10:00 - ವಿಶ್ವ ವಾಣಿಜ್ಯ ಕೇಂದ್ರದ ಕಟ್ಟಡ ಭಾರಿ ಶಬ್ದದೊಂದಿಗೆ ಕುಸಿತ
    10:30 - ವಿಶ್ವ ವಾಣಿಜ್ಯ ಕೇಂದ್ರದ ಎರಡನೇ ಕಟ್ಟಡ ನೆಲಸಮ
    11:27- ಏರ್‌ಲೈನ್ಸ್‌ನ 2 ವಿಮಾನ ಅಪಹರಣವಾಗಿದೆ ಎಂದು ಅಧಿಕೃತ ಪ್ರಕಟಣೆ
    11:29 - ಪಿಟ್ಸ್‌ಬರ್ಗ್‌ನಲ್ಲಿ ಯುನೈಟೆಡ್‌ ಏರ್‌ಲೈನ್ಸ್‌ ವಿಮಾನ ಅಪಘಾತ
    12:33 - ಯುನೈಟೆಡ್‌ ಏರ್‌ಲೈನ್ಸ್‌ನ ಮತ್ತೊಂದು ವಿಮಾನ ಅಪಘಾತ
    12:39 - ಕಟ್ಟೆಚ್ಚರ ವಹಿಸುವಂತೆ ಸಶಸ್ತ್ರ ಪಡೆಗಳಿಗೆ ಬುಷ್‌ ಸೂಚನೆ
    (ಪಿ.ಟಿಐ/ಇನ್‌ಫೋ ವಾರ್ತೆ)

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more