‘ನಾವು ನಿಮ್ಮೊಂದಿಗಿದ್ದೇವೆ’-ಬುಷ್‌ಗೆ ವಾಜಪೇಯಿ ಸಾಂತ್ವನ

ನವದೆಹಲಿ : ನ್ಯೂಯಾರ್ಕ್‌ನ ಅವಳಿ ಕಟ್ಟಡಗಳ ಮೇಲೆ ನಡೆದ ದಾಳಿಯನ್ನು ಕಠಿಣ ಪದಗಳಲ್ಲಿ ಖಂಡಿಸಿರುವ ಪ್ರಧಾನಿ ಅಟಲ್‌ಬಿಹಾರಿ ವಾಜಪೇಯಿ ಅವರು ದಾಳಿಯ ವಿರುದ್ಧ ನಡೆಸುವ ತನಿಖೆಗೆ ಪೂರ್ಣ ಸಹಾಯ ನೀಡುವುದಾಗಿ ಭರವಸೆ ಇತ್ತಿದ್ದಾರೆ.

ಈ ಕೃತ್ಯವನ್ನು ಬಯಲಿಗೆಳೆಯುವಲ್ಲಿ ನಾವು ನಿಮಗೆ ಬೆಂಬಲ ನೀಡುತ್ತೇವೆ. ಆ ಮೂಲಕ ಭಯೋತ್ಪಾದನೆ ಇನ್ನೆಂದಿಗೂ ಗೆಲ್ಲುವುದು ಸಾಧ್ಯವೇ ಇಲ್ಲ್ಲ ಎಂಬುದನ್ನು ಸಾಬೀತು ಪಡಿಸಿ, ಅಮೆರಿಕ ಮತ್ತು ಭಾರತದ ನಡುವಿನ ಸಂಬಂಧವನ್ನು ಇನ್ನಷ್ಟು ಹತ್ತಿರವಾಗಲಿದೆ ಎಂದು ವಾಜಪೇಯಿ ಜಾರ್ಜ್‌ ಬುಷ್‌ ಅವರಿಗೆ ಬರೆದ ಪತ್ರದಲ್ಲಿ ತಿಳಿಸಿದ್ದಾರೆ.

ಈ ಘಟನೆಯಿಂದ ತಮಗೆ ಅಘಾತವಾಗಿರುವುದಾಗಿ ಹೇಳಿರುವ ಪ್ರಧಾನಿ ಈ ದುರಂತವನ್ನು ಎದುರಿಸುವ ಸಾಮರ್ಥ್ಯ ಅಮೆರಿಕಾದ ಅಧ್ಯಕ್ಷರಿಗೆ ಮತ್ತು ಅಲ್ಲಿನ ಪ್ರಜೆಗಳಿಗೆ ದೊರೆಯಲಿ, ನಮ್ಮ ಹಾರೈಕೆಗಳು ಸದಾ ಅವರೊಂದಿಗಿರುತ್ತವೆ ಎಂದು ವಾಜಪೇಯಿ ಪತ್ರದಲ್ಲಿ ಬರೆದಿದ್ದಾರೆ.

(ಪಿಟಿಐ)