ಅಮೆರಿಕಾ ಬಾಂಬ್‌ ದಾಳಿ: ನಿಲುವು ಬದಲಿಸಿದ ಲಷ್ಕರ್‌ ಇ-ತೋಯಿಬಾ

ಕರಾಚಿ : ಪಾಕಿಸ್ತಾನ ಮೂಲದ ಇಸ್ಲಾಮಿಕ್‌ ಉಗ್ರಗಾಮಿ ಸಂಘಟನೆ ಲಷ್ಕರ್‌ ಇ- ತೋಯಿಬಾ ಇದ್ದಕ್ಕಿದ್ದಂತೆಯೇ ತನ್ನ ನಿಲುವು ಬದಲಿಸಿದ್ದು, ಈಮುನ್ನ ಅಮೆರಿಕಾದ ಅವಳಿ ಕಟ್ಟಡಗಳ ಮೇಲೆ ದಾಳಿ ನಡೆಸಿರುವುದಾಗಿ ಹೇಳಿಕೊಂಡಿದ್ದು

ಲಷ್ಕರ್‌ ಇ- ತೋಯಿಬಾದ, ಫಿದಯೀನ್‌ ಆತ್ಮ ಹತ್ಯಾ ದಳದ ಕಾರ್ಯಕರ್ತರು ವಿಮಾನಗಳನ್ನು ಅಪಹರಿಸಿ, ವಿಶ್ವ ವ್ಯಾಪಾರ ಮಳಿಗೆ ಮತ್ತು ಪೆಂಟಗಾನ್‌ ಕಟ್ಟಡದ ಮೇಲೆ ಮಂಗಳವಾರ ಅಪ್ಪಳಿಸಿರುವುದಾಗಿ ಲಷ್ಕರ್‌ ಸಂಘಟನೆಯ ವಕ್ತಾರ ಖಾಲಿದ್‌ ಸಾಯಿಫ್‌ ಪಾಕಿಸ್ತಾನದ ನಗರದಿಂದ ಎಎಫ್‌ಪಿ ಸುದ್ದಿ ಸಂಸ್ಥೆಗೆ ಫ್ಯಾಕ್ಸ್‌ ಮಾಡಿರುವ ಪ್ರಕಟಣೆಯಲ್ಲಿ ಹೇಳಿಕೊಂಡಿರುವುದಾಗಿ ವರದಿಯಾಗಿತ್ತು.

ಅಲ್ಲದೆ, ಈ ದಾಳಿಯನ್ನು ಉಗ್ರಗಾಮಿ ಕೃತ್ಯ ಎಂದು ಪರಿಗಣಿಸಬಾರದು. ಇದು ಇಸ್ಲಾಂ ಮತದ ಕರ್ತವ್ಯ ಎಂದು ಈ ಕೃತ್ಯವನ್ನು ಖಾಲಿದ್‌ ಸಮರ್ಥಿಸಿಕೊಂಡಿದ್ದರು. ಆದರೆ, ಬುಧವಾರ ಮಧ್ಯಾಹ್ನದ ಹೊತ್ತಿಗೆ ಲಷ್ಕರ್‌ ಸಂಘಟನೆಯ ಪ್ರಮುಖರು ಈ ದುರ್ಘಟನೆಗೆ ತಮ್ಮ ಸಂಘಟನೆ ಕಾರಣವಲ್ಲ ಎಂದು ಹೇಳಿದೆ.

(ಇನ್ಫೋ ವಾರ್ತೆ)