ನ್ಯೂಯಾರ್ಕ್‌: ಭಾರತೀಯ ರಾಯಭಾರಿಲಲಿತ್‌ಮಾನಸಿಂಗ್‌ ಸುರಕ್ಷಿತ

ವಾಷಿಂಗ್ಟನ್‌: ಅಮೆರಿಕಾದ ವಿಶ್ವ ವ್ಯಾಪಾರ ಕೇಂದ್ರ ಕಚೇರಿಯ ಮೇಲೆ ದುಷ್ಕರ್ಮಿಗಳು ದಾಳಿ ನಡೆಸುತ್ತಿದ್ದ ಸಂದರ್ಭದಲ್ಲಿ ಭಾರತೀಯ ರಾಯಭಾರಿ ಲಲಿತ್‌ ಮಾನಸಿಂಗ್‌ ಅವರು ನ್ಯೂಯಾರ್ಕ್‌ನಿಂದ ವಾಷಿಂಗ್ಟನ್‌ಗೆ ತೆರಳಲು ತಯಾರಿ ನಡೆಸುತ್ತಿದ್ದು, ಅವರು ಸುರಕ್ಷಿತರಾಗಿರುವುದಾಗಿ ತಿಳಿದುಬಂದಿದೆ.

ನಾನು ಮತ್ತು ನನ್ನ ಜೊತೆಗಿರುವ ಎಲ್ಲ ಭಾರತೀಯ ಅಧಿಕಾರಿಗಳೂ ಸುರಕ್ಷಿತವಾಗಿರುವುದಾಗಿ ಮಾನಸಿಂಗ್‌ ಅವರು ದೂರವಾಣಿ ಮೂಲಕ ಭಾರತೀಯ ರಾಯಭಾರಿ ಕಚೇರಿಗೆ ತಿಳಿಸಿದ್ದಾರೆ. ಪ್ರಸ್ತುತ ನ್ಯೂಯಾರ್ಕ್‌ನ ಎಲ್ಲ ರಸ್ತೆಗಳು, ಸಂಚಾರ ವ್ಯವಸ್ಥೆಗಳು ಸ್ಥಗಿತಗೊಂಡಿರುವುದರಿಂದ ತಮ್ಮ ಮುಂದಿನ ಚಟುವಟಿಕೆಗಳ ಬಗ್ಗೆ ಏನನ್ನೂ ಹೇಳುವುದು ಸಾಧ್ಯವಿಲ್ಲ ಎಂದು ಮಾನಸಿಂಗ್‌ಹೇಳಿದ್ದಾರೆ.

ಭಾರತೀಯ ಸರಕಾರಿ ಅಧಿಕಾರಿಗಳು ಮತ್ತು ಭಾರತ- ಅಮೆರಿಕಾ ಸಮುದಾಯದ ಅಧಿಕಾರಿಗಳೊಂದಿಗೆ ಮಾತುಕತೆ ನಡೆಸಿದ ನಂತರ ಅವರು ವಾಷಿಂಗ್ಟನ್‌ಗೆ ತೆರಳಬೇಕಿತ್ತು. ಲಲಿತ್‌ ಮಾನಸಿಂಗ್‌ ಅವರು ಮುಂದಿನ ವಾರ ನಡೆಯಬೇಕಿದ್ದ ಅಟಲ್‌ ಬಿಹಾರಿ ವಾಜಪೇಯಿ ಅವರ ನ್ಯೂಯಾರ್ಕ್‌ ಭೇಟಿ ಸಂಬಂಧ ತಯಾರಿಗಾಗಿ ವಾಷಿಂಗ್ಟನ್‌ಗೆ ಭೇಟಿ ನೀಡಬೇಕಿತ್ತು.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...