ಪುರಾವೆ ಸಹಿತ ಕೋರಿಕೆ ಬಂದರೆಅಮೆರಿಕಾ ವಶಕ್ಕೆ ಬಿನ್‌ ಲೆಡೆನ್‌ ?

ಇಸ್ಲಾಮಾಬಾದ್‌ : ಅಮೆರಿಕದ ತನಿಖಾಪಡೆಯು ಸೂಕ್ತ ಪುರಾವೆಗಳನ್ನು ಒದಗಿಸಿದರೆ, ಶಂಕಿತ ಭಯೋತ್ಪಾದಕ ಒಸಮಾ ಬಿನ್‌ ಲೆಡೆನ್‌ ಅವರನ್ನು ಗಡೀಪಾರು ಮಾಡುವ ಕೋರಿಕೆಯ ಬಗ್ಗೆ ಪರಿಶೀಲಿಸಲಾಗುವುದು ಎಂದು ಆಫ್ಘಾನಿಸ್ಥಾನದ ತಾಲಿಬಾನ್‌ ಮಿಲಿಟರಿ ಆಡಳಿತ ಬುಧವಾರ ಹೇಳಿಕೆ ನೀಡಿದೆ.

ನಾವು ಮೊದಲು ಪುರಾವೆಗಳ ಬಗ್ಗೆ ಅಧ್ಯಯನ ನಡೆಸುತ್ತೇವೆ ಮತ್ತು ಅದರ ನೆಲೆಗಟ್ಟಿನ ಮೇಲೆ ಸೂಕ್ತ ನಿರ್ಧಾರವನ್ನು ಕೈಗೊಳ್ಳುತ್ತೇವೆ ಎಂದು ತಾಲಿಬಾನ್‌ ಆಡಳಿತದ ಪಾಕಿಸ್ಥಾನದ ರಾಯಭಾರಿ ಅಬ್ದುಲ್‌ ಸಲಾಮ್‌ ಜೇಫ್‌ ಮಾಧ್ಯಮ ಪ್ರತಿನಿಧಿಗಳಿಗೆ ತಿಳಿಸಿದ್ದಾರೆ.

ಅಂತಾರಾಷ್ಟ್ರೀಯ ಭಯೋತ್ಪಾದಕ ಬಿನ್‌ ಲೆಡೆನ್‌ ಅವರನ್ನು ಅಮೆರಿಕದ ವಶಕ್ಕೆ ಒಪ್ಪಿಸುವ ಸಾಧ್ಯತೆಗಳು ಇವೆಯೇ ಎಂದು ಮಾಧ್ಯಮ ಪ್ರತಿನಿಧಿಗಳು ಕೇಳಿದ ಪ್ರಶ್ನೆಗೆ ಉತ್ತರ ನೀಡುತ್ತಿದ್ದ ಅವರು, ಮೊದಲು ಪುರಾವೆಗಳ ಸಹಿತ ಕೋರಿಕೆ ಬಂದ ನಂತರ ಇಂಥ ಕ್ರಮ ಕೈಗೊಳ್ಳಲಾಗುವುದು ಎಂದರು.

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...