ಎಚ್‌ಪಿಯಿಂದ 629 ದಶಲಕ್ಷ ಡಾಲರ್‌ಗೆ ಇಂಡಿಗೋ ಷೇರುಗಳ ಖರೀದಿ

ಬಾಲೋ ಆಲ್ಟೋ, ಕ್ಯಾಲಿಫೋರ್ನಿಯಾ : ಮೊನ್ನೆ ತಾನೆ ಕಾಂಪ್ಯಾಕ್‌ ಕಂಪ್ಯೂಟರ್‌ ಖರೀದಿಸಿದ ಹೆವ್ಲೆಟ್‌- ಪ್ಯಾಕಾರ್ಡ್‌ (ಎಚ್‌ಪಿ) ಕಂಪನಿ ಇಂಡಿಗೋ ಎಂಬ ಡಚ್‌ ಕಂಪನಿಯ ಷೇರುಗಳನ್ನು 629 ದಶಲಕ್ಷ ಡಾಲರ್‌ಗಳಿಗೆ ಖರೀದಿಸಿದೆ.

ಕಂಪ್ಯೂಟರ್‌ಗಳಿಗೆ ಮುದ್ರಣ ಯಂತ್ರಗಳನ್ನು ತಯಾರಿಸುವಲ್ಲಿ ಹೆಸರು ಮಾಡಿರುವ ಹೆವ್ಲೆಟ್‌- ಪ್ಯಾಕಾರ್ಡ್‌ ಈಗ ಇಡೀ ಕಂಪ್ಯೂಟರ್‌ ಉದ್ದಿಮೆಯ ಮುಂಚೂಣಿ ಕಂಪನಿಯಾಗಿ ರೂಪುಗೊಂಡಿದೆ. ಕಳೆದ ಬೇಸಗೆಯಲ್ಲಿ ಮುದ್ರಣ ವ್ಯಾಪಾರಕ್ಕೂ ಕಾಲಿಟ್ಟ ಎಚ್‌ಪಿ ಇದೀಗ ಇಂಡಿಗೋ ಷೇರುಗಳನ್ನು ಖರೀದಿಸಿರುವುದರಿಂದ. ತನ್ನ ಗ್ರಾಹಕರಿಗೆ ಕೊಡುತ್ತಿರುವ ಸೇವೆಯಲ್ಲಿ ಗಣನೀಯ ಬದಲಾವಣೆಯಾಗಲಿದೆ. ಮುದ್ರಣದ ವೇಗ, ಗುಣಮಟ್ಟ ದ ಛಾಯಾಚಿತ್ರಗಳು ಹಾಗೂ ಅಗ್ಗದ ಬೆಲೆಯ ಸೇವೆ ನೀಡುವ ಇಂಡಿಗೋ ಕಂಪನಿಯ ತಂತ್ರಜ್ಞಾನ ಎಚ್‌ಪಿ ಗ್ರಾಹಕರಿಗೆ ಲಭ್ಯವಾಗಲಿದೆ ಎಂದು ಎಚ್‌ಪಿಯ ಮುಖ್ಯಸ್ಥ ವ್ಯೋಮಕೇಶ ಜೋಷಿ ಹೇಳಿದರು.

(ಏಜೆನ್ಸೀಸ್‌)