• search

ಕಡಲ ಕೊರೆತದ ವಿರುದ್ಧ ಹೂಡಬೇಕಿದೆ ಅಂತಿಮ ಯುದ್ಧ -ವೀರಪ್ಪ ಮೊಯ್ಲಿ

By Staff
Subscribe to Oneindia Kannada
For Quick Alerts
ALLOW NOTIFICATIONS
For Daily Alerts

    ಮಂಗಳೂರು : ರಾಜ್ಯದ ಕರಾವಳಿಯಲ್ಲಿ ಸಂಭವಿಸುತ್ತಿರುವ ಕಡಲ ಕೊರೆತ ತಡೆಗಟ್ಟಲು ರಚನಾತ್ಮಕ ಯೋಜನೆಗಳ ಅಗತ್ಯವಿದೆ ಎಂದು ಮಾಜಿ ಮುಖ್ಯಮಂತ್ರಿ ಹಾಗೂ ರಾಜ್ಯ ತೆರಿಗೆ ಸುಧಾರಣಾ ಆಯೋಗದ ಅಧ್ಯಕ್ಷ ಎಂ. ವೀರಪ್ಪ ಮೊಯ್ಲಿ ಅಭಿಪ್ರಾಯಪಟ್ಟಿದ್ದಾರೆ.

    ಅವರು ಮಂಗಳೂರು ನಗರಾಭಿವೃದ್ಧಿ ಪ್ರಾಧಿಕಾರ ಮತ್ತು ಕರ್ನಾಟಕ ರೀಜನಲ್‌ ಇಂಜಿನಿಯರಿಂಗ್‌ ಕಾಲೇಜಿನ ಆನ್ವಯಿಕ ಯಂತ್ರಶಾಸ್ತ್ರ ವಿಭಾಗವು ಆಯೋಜಿಸಿದ್ದ ಕಡಲ ಕೊರೆತದ ಬಗೆಗಿನ ರಾಷ್ಟ್ರೀಯ ವಿಚಾರ ಸಂಕಿರಣವನ್ನು ಉದ್ಘಾಟಿಸಿ ಮಾತನಾಡುತ್ತಿದ್ದರು. ಭವಿಷ್ಯದ ದೃಷ್ಠಿಯಿಂದ ಪ್ರಸ್ತುತ ನಿರ್ಮಿಸಲು ಉದ್ದೇಶಿಸಲಾಗಿರುವ ತಾತ್ಕಾಲಿಕ ತಡೆಗೋಡೆಯನ್ನು ಶಾಶ್ವತವಾಗಿ ಉಳಿಯುವಂತೆ ಪುನರ್‌ನಿರ್ಮಿಸುವ ಅಗತ್ಯವಿದೆ. ಸಮಸ್ಯೆಗೆ ಶಾಶ್ವತ ಪರಿಹಾರ ತೆಗೆದುಕೊಳ್ಳುವ ನಿಟ್ಟಿನಲ್ಲಿ ಸಮಗ್ರ ದೃಷ್ಠಿಕೋನದ ಕೊರೆತೆಯಿಂದಾಗಿ ಹೆಚ್ಚು ಹಣ ಖರ್ಚಾಗುತ್ತಿದೆ. ಅಲ್ಲದೆ ಪ್ರತಿ ವರ್ಷವೂ ಸ್ಥಳೀಯರ ಜನಜೀವನಕ್ಕೆ ತೊಡಕಾಗುತ್ತಿದೆ ಎಂದರು.

    ಕಡಲ ಕೊರೆತದ ಭಯದಿಂದ ಸ್ಥಳೀಯರನ್ನು ದೂರವಿಡುವ ಸಲುವಾಗಿಯಾದರೂ ಸಮಗ್ರ ಹಾಗೂ ಶಾಶ್ವತ ಯೋಜನೆಯಾಂದನ್ನು ರೂಪಿಸುವ ಜರೂರು ಇದೆ. ಸರಕಾರ ಬಿಡುಗಡೆ ಮಾಡಿರುವ ಹಣದ ಮಿತಿಯಲ್ಲಿ ಉತ್ತಮ ಪರಿಹಾರೋಪಾಯ ಕಂಡು ಕೊಳ್ಳಲು ಸ್ಪಷ್ಟ ಗುರಿಯಾಂದಿಗೆ ಉತ್ತಮ ತಂತ್ರಜ್ಞಾನವನ್ನು ಅಳವಡಿಸಿಕೊಳ್ಳಬೇಕಾಗಿದೆ.

    ಕಡಲ ಕೊರೆತ ತಡೆಗಟ್ಟುವ ರಚನಾತ್ಮಕ ಯೋಜನೆ ರೂಪಿಸುವಲ್ಲಿ ವಿಜ್ಞಾನಿಗಳು, ತಂತ್ರಪ್ರವೀಣರು, ಯೋಜನೆಯ ನಿರ್ವಹಣಕಾರರು ಮತ್ತು ಇಂಜಿನಿಯರ್‌ಗಳು ಒಟ್ಟಾಗಿ ತಮ್ಮನ್ನು ತಾವು ತೊಡಗಿಸಿಕೊಳ್ಳಬೇಕು ಎಂದು ಮೊಯ್ಲಿ ಕರೆ ನೀಡಿದರು. ಅವರ ಪ್ರಕಾರ, ಭೂತಂತ್ರಜ್ಞಾನ ಅಧ್ಯಯನವನ್ನು ಕೈಗೆತ್ತಿಕೊಳ್ಳುವ ಮೂಲಕ ಕಡಲ ಕೊರೆತ ಎಂಬ ಸಂಕೀರ್ಣ ಸಮಸ್ಯೆಯನ್ನು ನಿಭಾಯಿಸುವ ಹೊಣೆ ರಾಜ್ಯದ ಮೇಲಿದೆ.

    (ಇನ್ಫೋ ವಾರ್ತೆ)

    ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

    Oneindia ಬ್ರೇಕಿಂಗ್ ನ್ಯೂಸ್,
    ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

    X
    We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more