ಸಹಕಾರಿ ಸಂಸ್ಥೆ ಮತ್ತು ಕ್ಯಾಂಪ್ಕೋದಿಂದಜಂಟಿ ಅಡಿಕೆ ಖರೀದಿ ಪ್ರಕ್ರಿಯೆ

ಶಿವಮೊಗ್ಗ : ಕುಸಿಯುತ್ತಿರುವ ಅಡಿಕೆ ಧಾರಣೆಯಲ್ಲಿ , ಸ್ಥಿರತೆ ತರುವ ದೃಷ್ಠಿಯಿಂದ ಕ್ಯಾಂಪ್ಕೋ ಸಂಸ್ಥೆಯು ಮ್ಯಾಮ್‌ಕೋಸ್‌ (ಮಲೆನಾಡು ಅಡಿಕೆ ಮಾರಾಟದ ಸಹಕಾರ ಸಂಘ)ಸೇರಿದಂತೆ ವಿವಿಧ ಸಹಕಾರಿ ಸಂಸ್ಥೆಗಳೊಂದಿಗೆ ಜಂಟಿಯಾಗಿ ಅಡಿಕೆ ಖರೀದಿಸಲು ನಿರ್ಧರಿಸಿದೆ.

ಜಂಟಿ ಖರೀದಿ ಪ್ರಕ್ರಿಯೆಯು ವ್ಯವಸ್ಥಿತವಾಗಿ ನಡೆದರೆ ಅಡಿಕೆ ಮಾರುಕಟ್ಟೆಯಲ್ಲಿ ಒಟ್ಟಾರೆ ವಹಿವಾಟಿನ ಶೇ 30ರಿಂದ 40ರಷ್ಟು ವಹಿವಾಟು ಸಹಕಾರಿ ಸಂಸ್ಥೆಗಳ ಹಿಡಿತಕ್ಕೆ ಬರಲಿದೆ. ಇದರಿಂದ ಅಡಿಕೆ ವಹಿವಾಟು ವರ್ತಕರ ಬಿಗಿಮುಷ್ಠಿಯಿಂದ ತುಸುವಾದರೂ ಪಾರಾಗಿ ಅಡಿಕೆ ಧಾರಣೆಯಲ್ಲಿ ಸ್ಥಿರತೆ ಬರಬಹುದು ಎಂಬ ನಿರೀಕ್ಷೆ ಬೆಳೆಗಾರರದು.

ಅಲ್ಲದೆ ಜಿಲ್ಲೆಯಲ್ಲಿರುವ ಅಡಿಕೆ ಮಂಡಿ ವರ್ತಕರ ಬ್ಯಾಂಕ್‌ಗೆ ಸರಕಾರದ ಪರವಾನಗಿ ದೊರೆತಿದ್ದು, ಬ್ಯಾಂಕ್‌ ಇನ್ನೆರಡು ಹೊಸ ಶಾಖೆಗಳನ್ನು ತೆರೆಯಲಿದೆ. ಬ್ಯಾಂಕ್‌ನ ಅಧ್ಯಕ್ಷ ಡಿ. ಎಂ. ಶಂಕರಪ್ಪ ಈ ವಿಷಯವನ್ನು ತಿಳಿಸಿದ್ದು ಕಳೆದ 37 ವರ್ಷಗಳಿಂದ ಉತ್ತಮ ರೀತಿಯಲ್ಲಿ ನಡೆಯುತ್ತಿದ್ದ ಬ್ಯಾಂಕ್‌ಗೆ ಪರವಾನಗಿ ಸಿಕ್ಕಿರಲಿಲ್ಲ. ಈ ಬಾರಿ ಸಂಸ್ಥೆಗೆ ಎ ದರ್ಜೆಯ ಮಾನ್ಯತೆ ದೊರಕಿದೆ ಎಂದು ಹೇಳಿದ್ದಾರೆ.

(ಇನ್ಫೋ ವಾರ್ತೆ)