ಬರಪೀಡಿತ ಜಮಖಂಡಿಯಲ್ಲಿ ಸೋನಿಯಾಗಾಂಧಿಗೆ ಬೆಳ್ಳಿ ತುಲಾಭಾರ

ಬೆಂಗಳೂರು : ಭೀಕರ ಬರದಿಂದ ತತ್ತರಿಸಿರುವ ಬಾಗಲಕೋಟೆ, ಬಿಜಾಪುರಕ್ಕೆ ಭೇಟಿ ನೀಡುತ್ತಿರುವ ಅಖಿಲ ಭಾರತ ಕಾಂಗ್ರೆಸ್‌ ಅಧ್ಯಕ್ಷೆ ಸೋನಿಯಾಗಾಂಧಿ ಅವರಿಗೆ ಸೆಪ್ಟೆಂಬರ್‌ 10ರಂದು ಬಾಗಲಕೋಟೆ ಜಿಲ್ಲೆಯ ಜಮಖಂಡಿಯಲ್ಲಿ ಬೆಳ್ಳಿ ನಾಣ್ಯಗಳಿಂದ ತುಲಾಭಾರ ಮಾಡಲಾಗುವುದು.

ಬರದ ನಾಡಿಗೆ ಭೇಟಿ ನೀಡುತ್ತಿರುವ ಸೋನಿಯಾ ಅವರನ್ನು ಬೆಳ್ಳಿ ನಾಣ್ಯಗಳಿಂದ ತುಲಾಭಾರ ಮಾಡಿ, ಆ ಬೆಳ್ಳಿಯಿಂದ ದೊರಕುವ ಹಣವನ್ನು ಕೆರೆ ಅಥವಾ ಬ್ಯಾರೇಜ್‌ ನಿರ್ಮಾಣಕ್ಕೆ ಕೊಡುಗೆಯಾಗಿ ನೀಡಲಾಗುವುದು ಎಂದು ಕೆ.ಪಿ.ಸಿ.ಸಿ. ಅಧ್ಯಕ್ಷ ಅಲ್ಲಂ ವೀರಭದ್ರಪ್ಪ ಪತ್ರಿಕಾಗೋಷ್ಠಿಯಲ್ಲಿ ತಿಳಿಸಿದ್ದಾರೆ.

ಒಂದು ಬ್ಯಾರೇಜ್‌ ನಿರ್ಮಾಣಕ್ಕೆ 50-60 ಕೆ.ಜಿ. ಬೆಳ್ಳಿ ಸಾಕೇ ಎಂದು ಪತ್ರಕರ್ತರು ಪ್ರಶ್ನಿಸಿದಾಗ, ಇದು ಕೇವಲ ಸಾಂಕೇತಿಕ ಕೊಡುಗೆ ಆದರೆ, ನಿರ್ಮಾಣವಾಗುವ ಬ್ಯಾರೇಜ್‌ ಅಥವಾ ಕೆರೆ ಒಂದು ಶಾಶ್ವತ ಕಾಮಗಾರಿ ಆಗಲಿದೆ ಎಂದರು.

ವಾರ್ತಾ ಸಂಚಯ:
ಮುಖಪುಟ / ಇವತ್ತು... ಈ ಹೊತ್ತು...