ಅಮೆರಿಕದ ಯುವ ಮುಖಂಡರ ಸಮಾವೇಶಕ್ಕೆ ಭಂಡಾರಿ ಆಯ್ಕೆ

ಬೆಂಗಳೂರು : ಸೆಪ್ಟೆಂಬರ್‌ 8ರಿಂದ 21ರವರೆಗೆ ವಾಷಿಂಗ್ಟನ್‌ನಲ್ಲಿ ರಾಜಕೀಯ ಯುವ ಮುಖಂಡರ ಸಮಾವೇಶ ನಡೆಯಲಿದ್ದು, ಈ ಸಮಾವೇಶದಲ್ಲಿ ಪಾಲ್ಗೊಳ್ಳಲು ಕರ್ನಾಟಕ ಪ್ರದೇಶ ಕಾಂಗ್ರೆಸ್‌ ಸಮಿತಿಯ ಕಾರ್ಯದರ್ಶಿ ಮಂಜುನಾಥ ಭಂಡಾರಿ ಆಯ್ಕೆಯಾಗಿದ್ದಾರೆ.

ಅಮೆರಿಕನ್‌ ಕೌನ್ಸಿಲ್‌ ಆಫ್‌ ಯಂಗ್‌ ಪೊಲೀಟಿಕಲ್‌ ಲೀಡರ್ಸ್‌ ವೇದಿಕೆ ಈ ಸಮಾವೇಶವನ್ನು ಆಯೋಜಿಸಿದೆ. 15 ದಿನಗಳ ಕಾಲ ನಡೆಯುವ ಈ ಸಮಾವೇಶದಲ್ಲಿ ರಾಜಕೀಯ ಪಕ್ಷಗಳಲ್ಲಿ ಯುವ ಮುಖಂಡರ ಪಾತ್ರ, ಪ್ರಾಮುಖ್ಯತೆ ಹಾಗೂ ಮಹತ್ವದ ಬಗ್ಗೆ ಸಮಗ್ರ ಚರ್ಚೆ ನಡೆಯಲಿದೆ.

ಈ ಸಮಾವೇಶದಲ್ಲಿ ಪಾಲ್ಗೊಳ್ಳಲು ಭಾರತದ ಏಳು ಪ್ರಮುಖ ರಾಜಕೀಯ ಪಕ್ಷಗಳಿಂದ ತಲಾ ಒಬ್ಬರನ್ನು ಆಯ್ಕೆ ಮಾಡಲಾಗಿದೆ. ಈ ಏಳು ಮಂದಿ ಆಹ್ವಾನಿತರ ಪೈಕಿ ಮಂಜುನಾಥ ಭಂಡಾರಿ ಅವರೂ ಒಬ್ಬರಾಗಿದ್ದಾರೆ.