ಈ ವರ್ಷದ ಕನ್ನಡ ಟೆಲಿಫೋನ್‌ ಡೈರೆಕ್ಟರಿಶೀಘ್ರವೇ ಹೊರಬರಲಿದೆ

ಹುಬ್ಬಳ್ಳಿ : ಈ ವರ್ಷವೂ ಕನ್ನಡದಲ್ಲಿ ಟೆಲಿಫೋನ್‌ ಡೈರೆಕ್ಟರಿಯನ್ನು ಹೊರತರಲು ಕರ್ನಾಟಕ ದೂರಸಂಪರ್ಕ ಇಲಾಖೆ ನಿರ್ಧರಿಸಿದೆ. ಈ ವಿಷಯವನ್ನು ದೂರವಾಣಿ ಇಲಾಖೆಯ ಉಪ ಪ್ರಧಾನ ವ್ಯವಸ್ಥಾಪಕ ಎಸ್‌.ಎಸ್‌. ಗಲಗಲಿ ಅವರು ತಿಳಿಸಿದ್ದಾರೆ.

ಹುಬ್ಬಳ್ಳಿಯ ಕರ್ನಾಟಕ ವಾಣಿಜ್ಯೋದ್ಯಮಿಗಳ ಸಂಘದ ಸಭಾ ಭವನದಲ್ಲಿ ನಡೆದ ದೂರವಾಣಿ ಹಾಗೂ ಆಧುನಿಕ ತಾಂತ್ರಿಕ ತಿಳಿವಳಿಕೆ ಕಾರ್ಯಕ್ರಮದಲ್ಲಿ ಮಾತನಾಡುತ್ತಿದ್ದ ಅವರು, ಎಸ್‌.ಟಿ.ಡಿ ಹಾಗೂ ಅಂತಾರಾಷ್ಟ್ರೀಯ ಕರೆಗಳ ಬಗ್ಗೆ ಮಾಹಿತಿ ನೀಡಿದರು.

ಕನ್ನಡದ ದೂರವಾಣಿ ಡೈರೆಕ್ಟರಿ ಶೀಘ್ರವೇ ಬಿಡುಗಡೆಯಾಗಲಿದೆ ಎಂದೂ ತಿಳಿಸಿದರು. ಕಾರ್ಯಕ್ರಮದಲ್ಲಿ ವಾಣಿಜ್ಯೋದ್ಯಮಿಗಳ ಸಂಘದ ಅಧ್ಯಕ್ಷ ಡಿ.ಎಸ್‌. ಗುಡ್ಡೊಡಗಿ, ಡಿ.ಆರ್‌. ಖೋಬರೆ, ಮದನ ದೇಸಾಯಿ, ವಸಂತ ಮುಂತಾದವರು ಭಾಗವಹಿಸಿದ್ದರು.