ಅಯೋಧ್ಯೆಯ ಮಸೀದಿ ಅವಶೇಷಗಳಡಿ 12 ನೇ ಶತಮಾನದ ಶಾಸನ

ಪಾಟ್ನಾ : ಅಯೋಧ್ಯೆಯಲ್ಲಿ ಕೆಡವಿದ ಬಾಬರಿ ಮಸೀದಿಯ ಅವಶೇಷಗಳಡಿಯಲ್ಲಿ 12 ನೇ ಶತಮಾನದ ಶಾಸನವೊಂದು ಪತ್ತೆಯಾಗಿದ್ದು, ರಾಮಜನ್ಮಭೂಮಿ ಯಾರಿಗೆ ಸೇರಬೇಕು ಎಂಬ ಬಗ್ಗೆ ನಿರ್ಣಯ ತೆಗೆದುಕೊಳ್ಳುವಲ್ಲಿ ಈ ಶಿಲೆ ಮಹತ್ವದ ಪಾತ್ರ ವಹಿಸುತ್ತದೆಂದು ನಿರೀಕ್ಷಿಸಲಾಗಿದೆ.

ದೊರೆತಿರುವ ಶಾಸನದಲ್ಲಿ 20 ಸಾಲುಗಳ 30 ಸಂಸ್ಕೃತ ಶ್ಲೋಕಗಳಿವೆ. ಈ ಶಾಸನದ ಕಲ್ಲು ಭಗ್ನಗೊಂಡ ಬಾಬರಿ ಮಸೀದಿಯ ಗೋಡೆಯ ಕೆಳಭಾಗದಲ್ಲಿ ಪತ್ತೆಯಾಗಿದೆ. ಆದರೂ ರಾಮಜನ್ಮ ಭೂಮಿಯ ಸಮಸ್ಯೆ ಬಗೆಹರಿಸಲು ಸಂಘ ಪರಿವಾರದವರ ಕುತಂತ್ರ ಈ ಶಾಸನ ಎಂದೂ ಹೇಳಲಾಗಿದೆ.

ಈ ಶಾಸನವು ಸಮಸ್ಯೆಗೆ ಮಂಗಳ ಹಾಡಲಿದೆ ಎಂದು ತೀವ್ರವಾಗಿ ವಾದಿಸುತ್ತಿರುವ ಆಚಾರ್ಯ ಕಿಶೋರ್‌ ಕುನಾಲ್‌ ಇತ್ತೀಚೆಗೆ ಐಪಿಎಸ್‌ ಹುದ್ದೆಯಿಂದ ಸ್ವಯಂ ನಿವೃತ್ತಿ ಪಡೆದು ಡರ್ಬಾಂಗ್‌ನ ಕಾಮೇಶ್ವರ್‌ ಸಿಂಘ್‌ ಸಂಸ್ಕೃತ ವಿಶ್ವ ವಿದ್ಯಾಲಯ ಉಪಕುಲಪತಿಗಳಾಗಿ ಕೆಲಸ ಮಾಡುತ್ತಿದ್ದಾರೆ. ಕುಮನಾಲ್‌ ಪ್ರಕಾರ ಈ ಶಾಸನದ ವಿವರಗಳನ್ನು ಯುನೆಸ್ಕೋದಂತಹ ಸಂಸ್ಥೆಗಳು ಅಧಿಕಾರಯುತವಾಗಿ ನೀಡಬಹುದು.

ಕಳೆದ ವರ್ಷ ಮಾರ್ಚ್‌ ತಿಂಗಳಲ್ಲಿ ಅಲಹಾಬಾದ್‌ ಹೈಕೋರ್ಟ್‌ನ ಲಕ್ನೋ ಪೀಠದ ಆದೇಶದ ಮೇರೆಗೆ ಪುರಾತತ್ವ ಇಲಾಖೆ ನಡೆಸಿದ ಸಮೀಕ್ಷೆಯಲ್ಲಿ ಪತ್ತೆಯಾದ ಈ ಶಾಸನದ ಕಲ್ಲು ತುಂಡು ತುಂಡಾಗಿದೆ. ಈವರೆಗೆ ಈ ಶಾಸನದ ಅವಶೇಷಗಳನ್ನು ಕೋರ್ಟ್‌ ಸೀಲ್‌ ರಾಮಕಥಾ ಕುಂಜ್‌ನಲ್ಲಿ ಇಟ್ಟಿತ್ತು. ರಾಮಕಥಾ ಕುಂಜ್‌ ಬಾಬರಿ ಮಸೀದಿ ಕೆಡವುದಕ್ಕೆ ಮೊದಲು ವಿಶ್ವ ಹಿಂದೂ ಪರಿಷತ್‌ ಕಾರ್ಯಾಲಯವಾಗಿದ್ದು ಪ್ರಸ್ತುತ ಸರಕಾರದ ಅಧೀನದಲ್ಲಿದೆ.

(ಇನ್ಫೋ ವಾರ್ತೆ)