ಸೆಪ್ಟೆಂಬರ್‌ 12- 17 : ಬೆಂಗಳೂರಲ್ಲಿ ಎಕ್ಸ್‌ಪ್ಲೋಸಿಟಿ ರಂಗ ಹಬ್ಬ

ಬೆಂಗಳೂರು : ಸೆಪ್ಟೆಂಬರ್‌ 12ರಿಂದ 17ರವರೆಗೆ ನಗರದಲ್ಲಿ ನಾಟಕ ಮೇಳ. ಎಕ್ಸ್‌ಪ್ಲೋಸಿಟಿ. ಕಾಂ ಸಿಲಿಕಾನ್‌ ನಗರಿಯಲ್ಲಿ ಈ ಅಪರೂಪದ ನಾಟಕೋತ್ಸವ ಆಯೋಜಿಸಿದೆ. ಚೌಡಯ್ಯ ಸ್ಮಾರಕ ಭವನದಲ್ಲಿ ನಡೆಯಲಿರುವ ಈ ರಂಗ ಪರ್ವದಲ್ಲಿ 6 ಪ್ರಮುಖ ರಂಗ ತಂಡಗಳು ಭಾಗವಹಿಸಲಿವೆ.

ರಂಗ ಪ್ರಯೋಗದ ವಿವಿಧ ಮಜಲುಗಳ ಅಭಿವ್ಯಕ್ತಿ ಈ ನಾಟಕಮೇಳ. ಇಲ್ಲಿ ಹಾಸ್ಯ, ಗಂಭೀರ ಹಾಗೂ ಸಾಮಾಜಿಕ ಕಳಕಳಿಯ ಅವತರಣಿಕೆಯ ಅನಾವರಣ. ಪೊಯ್ಲ್‌ ಸೇನ್‌ ಗುಪ್ತಾ, ನೀಲ್‌ ಸೈಮನ್‌, ಅರುಣ್‌ ಮುಖರ್ಜಿ, ಮೈಕ್‌ ಕುಲ್ಲೆನ್‌, ಅರ್ಥರ್‌ ಮಿಲ್ಲರ್‌, ಮಾರ್ಕ್‌ ಮೆಡೋಫ್‌ ಮೊದಲಾದ ದಿಗ್ಗಜರ ನಾಟಕಗಳ ನೋಡುವ ಅಪರೂಪದ ಅವಕಾಶ ಇದು. ರಂಗ ಕರ್ಮಿ ಹಾಗೂ ಗರ್ವ ಧಾರಾವಾಹಿ ಖ್ಯಾತಿಯ ಪ್ರಕಾಶ್‌ ಬೆಳವಾಡಿ ಸಹಯೋಗದಲ್ಲಿ ಈ ರಂಗ ಹಬ್ಬ ಸಜ್ಜಾಗಿದೆ. ಪ್ಲೇ ಪೆನ್‌, ಥಿಯೇಟರ ಲ್ಯಾಬ್‌, ಬಿಎಲ್‌ಟಿ, ಎಆರ್‌ಟಿ, ಥಿಯೇಟರ್‌ ಕ್ಲಬ್‌ ಹಾಗೂ ಫರಮ್‌ ಥ್ರೀ ರಂಗ ತಂಡಗಳು ಪ್ರದರ್ಶನ ನೀಡಲಿವೆ.

ನನ್ನಂಥ ರಂಗ ಕರ್ಮಿಗಳನ್ನೆಲ್ಲಾ ಒಂದೇ ಸೂರಿನಡಿ ತರುವ ಅಪರೂಪದ ಯತ್ನವನ್ನು ಎಕ್ಸ್‌ಪ್ಲೋ ಸಿಟಿ.ಕಾಂ ಮಾಡುತ್ತಿದೆ. ಇದರ ಸಂಪೂರ್ಣ ಉಪಯೋಗವನ್ನು ಪಡೆದು, ಛಾಪು ಮೂಡಿಸಬೇಕಾದ್ದು ರಂಗ ಕರ್ಮಿಗಳ ಹೊಣೆ ಎಂದು ಪ್ರಕಾಶ್‌ ಬೆಳವಾಡಿ ಸುದ್ದಿಗಾರರಿಗೆ ತಿಳಿಸಿದರು.

ಅಂದಹಾಗೆ, ನಾಟಕಗಳಿಗೆ ಟಿಕೇಟು ಇಲ್ಲಿ ಸಿಗುತ್ತದೆ- ಎಕ್ಸ್‌ಪ್ಲೋಸಿಟಿ. ಕಾಂ, 24 ರೆಸ್ಟ್‌ ಹೌಸ್‌ ಕ್ರೆಸೆಂಟ್‌, ದಿ ಸೂಪರ್‌ ಮಾರ್ಕೆಟ್‌, ಬ್ರಿಗೇಡ್‌ ರಸ್ತೆ. ಮುಖಪುಟ / ಇವತ್ತು... ಈ ಹೊತ್ತು...