ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಏಷ್ಯಾದ ಐಸಿಟಿ ಯೋಜನೆಗಳಿಗೆ ಜಪಾನಿನ 30 ದಶಲಕ್ಷ ಡಾಲರ್
ಬೆಂಗಳೂರು : ಏಷ್ಯಾದ ಮಾಹಿತಿ ಹಾಗೂ ಸಂಪರ್ಕ ಜ್ಞಾನ (ಐಸಿಟಿ) ಯೋಜನೆಗಳಿಗಾಗಿ ಏಷ್ಯನ್ ಡೆವೆಲಪ್ಮೆಂಟ್ ಬ್ಯಾಂಕ್ (ಎಡಿಬಿ) ಗೆ 30 ದಶಲಕ್ಷ ಡಾಲರ್ ನೆರವು ನೀಡುವುದಾಗಿ ಜಪಾನ್ ಭರವಸೆ ಕೊಟ್ಟಿದೆ.
ಎಡಿಬಿಯ ಪಶ್ಚಿಮ ವಲಯದ ಕಾರ್ಯಕ್ರಮ ನಿರ್ದೇಶಕ ಯಾಶಿರೋ ಇವಾಸಕಿ ಸೋಮವಾರ ರಾತ್ರಿ ಸುದ್ದಿಗಾರರಿಗೆ ಈ ವಿಷಯ ತಿಳಿಸಿದರು. ಜಪಾನ್ ಮಾಡುತ್ತಿರುವ ಧನ ಸಹಾಯಕ್ಕೆ ತಕ್ಕಂತೆ ಯೋಜನೆಗಳನ್ನು ರೂಪಿಸಿ, ಏಷ್ಯಾದ ಬಡತನ ನಿವಾರಣೆಗೆ ಟೊಂಕಕಟ್ಟಬೇಕಷ್ಟೆ. ಖಾಸಗಿ ವಲಯವನ್ನು ಐಸಿಟಿ ಕ್ಷೇತ್ರದಲ್ಲಿ ಸಾಕಷ್ಟು ತೊಡಗಿಕೊಳ್ಳುವಂತೆ ಪ್ರೋತ್ಸಾಹಿಸಿ, ಮಾಹಿತಿ ತಂತ್ರಜ್ಞಾನದ ಮೂಲಕ ಪ್ರಾದೇಶಿಕ ಮತ್ತು ಅಂತರರಾಷ್ಟ್ರೀಯ ಸೌಹಾರ್ದ ಸ್ಥಾಪಿಸುವುದು ನಮ್ಮ ಗುರಿಯಾಗಿದೆ ಎಂದು ಇವಾಸಕಿ ಹೇಳಿದರು.
ಮಂಗಳವಾರ ತಾಜ್ ವೆಸ್ಟ್ ಎಂಡ್ ಹೊಟೇಲಿನಲ್ಲಿ ಮಾಹಿತಿ ಮತ್ತು ಸಂಪರ್ಕ ಜ್ಞಾನ ಕುರಿತ ದುಂಡು ಮೇಜಿನ ಸಮಾವೇಶದಲ್ಲಿ ಭಾಗವಹಿಸಲು ಯಾಶಿರೋ ಬೆಂಗಳೂರಿಗೆ ಆಗಮಿಸಿದ್ದಾರೆ.
(ಪಿಟಿಐ)
Comments
Story first published: Tuesday, August 28, 2001, 0:00 [IST]