• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಕಾರಿಡಾರ್‌ ಕಾರ್ಯಗತವಾದರೆ ಬೆಂಗಳೂರಿಂದ ಮೈಸೂರಿಗೆ 75 ನಿಮಿಷ

By Staff
|

ಬೆಂಗಳೂರು : ಬೆಂಗಳೂರು - ಮೈಸೂರು ಇನ್‌ಫ್ರಾಸ್ಟಕ್ಚರ್‌ ಕಾರಿಡಾರ್‌ ನಿರ್ಮಾಣ ಕಾಮಗಾರಿ ಆರಂಭವಾಗುವ ದಿನ ಹತ್ತಿರವಾಗಿದೆ. ಯೋಜನೆಗೆ ಕೇಂದ್ರ ಪರಿಸರ ಖಾತೆ ಅನುಮತಿ ಸಿಕ್ಕಿದ್ದು, ಇನ್ನು ಕೇವಲ 3 ತಿಂಗಳಲ್ಲಿ ನಿರ್ಮಾಣ ಕಾಮಗಾರಿ ಕೈಗೆತ್ತಿಕೊಳ್ಳುವುದಾಗಿ ರಾಜ್ಯ ಲೋಕೋಪಯೋಗಿ ಸಚಿವ ಧರ್ಮಸಿಂಗ್‌ ತಿಳಿಸಿದ್ದಾರೆ.

ಈ ಯೋಜನೆ ಕಾರ್ಯಗತವಾದರೆ ಬೆಂಗಳೂರು - ಮೈಸೂರು ನಡುವಣ ದೂರ 111 ಕಿ.ಮೀಟರ್‌ ಆಗಲಿದ್ದು, ಕೇವಲ 75 ನಿಮಿಷಯದಲ್ಲಿ ಮೈಸೂರು ತಲುಪಬಹುದಾಗಿದೆ. ಈ ಯೋಜನೆಗೆ ಪರಿಸರ ಸಚಿವಾಲಯ ಆಗಸ್ಟ್‌ 8ರಂದು ಅನುಮತಿ ನೀಡಿರುವ ಹಿನ್ನೆಲೆಯಲ್ಲಿ ಕಾಮಗಾರಿ ಕೈಗೆತ್ತಿಕೊಳ್ಳುವುದಾಗಿ ಸಚಿವರು ಹೇಳಿದ್ದಾರೆ.

ಈ ಯೋಜನೆಗಾಗಿ 20,930 ಎಕರೆ ಭೂಮಿಯನ್ನು ಸ್ವಾಧೀನ ಪಡಿಸಿಕೊಳ್ಳಲಾಗಿದೆ. ಇದರಲ್ಲಿ ಸರಕಾರಿ ಜಾಗ 5 ಸಾವಿರ ಎಕರೆ. ಇದರ ಜತೆಗೆ ಅರಣ್ಯ ಭೂಮಿ, ಬಿ.ಡಿ.ಎ. ಹಾಗೂ ಖಾಸಗಿ ಭೂಮಿಯನ್ನು ಪಡೆಯಲಾಗಿದೆ. ನಿಯಮಾವಳಿಗಳ ರೀತ್ಯ ಪರಿಹಾರ ನೀಡಲು ಕ್ರಮ ಕೈಗೊಳ್ಳಲಾಗಿದೆ. ಯೋಜನೆಯಲ್ಲಿ 58 ಕೋಟಿ ರುಪಾಯಿ ಸ್ಟಾಂಪ್‌ ಶುಲ್ಕ ವಿನಾಯ್ತಿಯನ್ನೂ ನೀಡಲಾಗಿದೆ.

ಈ ಯೋಜನೆಗೆ 2 ಸಾವಿರ ಕೋಟಿ ರುಪಾಯಿ ಅಂದಾಜು ಮಾಡಲಾಗಿದ್ದು, ನಿರ್ಮಾಣ- ನಿರ್ವಹಣೆ ಹಾಗೂ ಹಸ್ತಾಂತರ (ಬಿ.ಓ.ಟಿ) ಆಧಾರದ ಮೇಲೆ ಯೋಜನೆಯನ್ನು ಕಲ್ಯಾಣಿ ಗ್ರೂಪ್‌ ನೇತೃತ್ವದ ಸಮೂಹ ಸಂಸ್ಥೆಗೆ ವಹಿಸಿಕೊಡಲಾಗಿದೆ. 30 ವರ್ಷದ ತರುವಾಯ ಸಂಸ್ಥೆ ರಸ್ತೆಯನ್ನು ಸರಕಾರಕ್ಕೆ ವಹಿಸಿಕೊಡಲಿದೆ.

30 ವರ್ಷಗಳ ವರೆಗೆ ರಸ್ತೆ ಹಾಗೂ ಟೌನ್‌ಷಿಪ್‌ ನಿರ್ಮಿಸಿದವರು, ಮೈಸೂರು - ಬೆಂಗಳೂರು ಕಾರಿಡಾರ್‌ ರಸ್ತೆ ಬಳಸುವವರಿಂದ ಶುಲ್ಕ ವಸೂಲಿ ಮಾಡಲು ಅವಕಾಶ ನೀಡಲಾಗಿದ್ದು, ಶುಲ್ಕವನ್ನೂ ನಿಗದಿ ಮಾಡಲಾಗಿದೆ. ಈ ರಸ್ತೆ ಬಳಸುವ ವಾಹನಗಳಿಗೆ ಪ್ರತಿ ಕಿ.ಮೀಟರ್‌ಗೆ ವಿಧಿಸಲಾಗುವ ಶುಲ್ಕದ ವಿವರ ಇಂತಿದೆ:

ಕಾರಿಗೆ ಒಂದು ರುಪಾಯಿ, ಬಸ್ಸಿಗೆ 2.70, ಟ್ರಕ್‌ಗೆ 1.75, ಲಘು ಸರಕು ವಾಹನಗಳಿಗೆ 1.05 ರುಪಾಯಿ, ದ್ವಿಚಕ್ರವಾಹನಗಳಿಗೆ 40 ಪೈಸೆ.

ರಾಷ್ಟ್ರೀಯ ಹೆದ್ದಾರಿ ನಾಲ್ಕು ಮತ್ತು 7ರಿಂದ ಕಾರಿಡಾರ್‌ ರಸ್ತೆಗೆ ಸಂಪರ್ಕ ಪಡೆಯುವವರು ತಾವು ಬಳಸುವ 9 ಕಿ.ಮೀಟರ್‌ ರಸ್ತೆಗೆ ನೀಡಬೇಕಾದ ಶುಲ್ಕ - ಕಾರಿಗೆ 12 ರುಪಾಯಿ, ಬಸ್‌ಗೆ 30 ರುಪಾಯಿ, ಲಘು ಸರಕು ವಾಹನಕ್ಕೆ 12 ರುಪಾಯಿ, ದ್ವಿಚಕ್ರ ವಾಹನಗಳಿಗೆ 5 ರುಪಾಯಿ.

ಮುಖಪುಟ / ಇವತ್ತು... ಈ ಹೊತ್ತು...

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more