ಪುರುಷ ಸೌಂದರ್ಯ ಅನಾವರಣಕ್ಕೊಂದು ಅವಕಾಶ! ವೇದಿಕೆ ಇಲ್ಲಿದೆ..

ಬೆಂಗಳೂರು : ಭಾರತದ ಸುಂದರ ಪುರುಷನನ್ನು ಆಯ್ಕೆ ಮಾಡುವ ‘ಗ್ರಾಸಿಂ ಮಿಸ್ಟರ್‌ ಇಂಡಿಯಾ-2002’ ಸ್ಪರ್ಧೆಗೆ ಗ್ರಾಸಿಂ ಇಂಡಸ್ಟ್ರೀಸ್‌ ಅರ್ಜಿಗಳನ್ನು ಆಹ್ವಾನಿಸಿದೆ. ಫೆಬ್ರವರಿ 23, 2002 ರಂದು ನಗರದ ಅರಮನೆ ಅರಮನೆ ಮೈದಾನದಲ್ಲಿ ನಡೆಯುವ ಈ ಸ್ಪರ್ಧೆಗೆ ಅರ್ಜಿಯನ್ನು ಸಲ್ಲಿಸಲು ಕೊನೆಯ ದಿನ ಸೆಪ್ಟಂಬರ್‌ 15.

‘ಗ್ರಾಸಿಂ ಮಿಸ್ಟರ್‌ ಇಂಡಿಯಾ-2002’ ಸ್ಪರ್ಧೆಯ ನಿರ್ದೇಶಕ ಅಂಶುಮಾನ್‌ ಸ್ವಾಮಿ ಶುಕ್ರವಾರ ಸುದ್ದಿಗೋಷ್ಠಿಯಲ್ಲಿ ಸ್ಪರ್ಧೆಯ ವಿವರಗಳನ್ನು ನೀಡಿದರು. ಮೊದಲ ಸುತ್ತಿನ ಸ್ಥಳೀಯ ಸ್ಪರ್ಧೆಗಳನ್ನು ಬರುವ ನವಂಬರ್‌- ಡಿಸೆಂಬರ್‌ನಲ್ಲಿ ನಡೆಸುವುದಾಗಿ ತಿಳಿಸಿದ ಅವರು, ಸ್ಪರ್ಧೆಗೆ ಸುಮಾರು 14 ಸಾವಿರ ಪ್ರವೇಶಗಳ ನಿರೀಕ್ಷೆಯಲ್ಲಿದ್ದೇವೆ ಎಂದರು.

ಸ್ಪರ್ಧೆಯ ವಿವರಗಳನ್ನು ಗಮನಿಸಿ-

• ಈ ಸ್ಪರ್ಧೆ 18 ರಿಂದ 30 ವಯೋಮಾನದ ಪುರುಷರಿಗೆ ಮಾತ್ರ ಸೀಮಿತ.
• ಸ್ಪರ್ಧಿಗಳ ಕನಿಷ್ಠ ಎತ್ತರ 5 ಅಡಿ 10 ಇಂಚಾದರೂ ಇರಲೇಬೇಕು. ಈ ಮುನ್ನ ಎತ್ತರವನ್ನು 6 ಅಡಿಗೆ ನಿಗದಿಪಡಿಸಲಾಗಿತ್ತು .
• ಸ್ಪರ್ಧೆಯ ವಿಜೇತರು ‘ಗ್ರಾಸಿಂ ಮಿಸ್ಟರ್‌ ಇಂಟರ್‌ನ್ಯಾಶನಲ್‌’ ಹಾಗೂ ‘ಮಿಸ್ಟರ್‌ ಇಂಟರ್‌ಕಾಂಟಿನೆಂಟಲ್‌’ ಸ್ಪರ್ಧೆಗಳಲ್ಲಿ ಭಾಗವಹಿಸಲು ಅರ್ಹತೆ ಗಳಿಸುತ್ತಾರೆ.
• ‘ಗ್ರಾಸಿಂ ಮಿಸ್ಟರ್‌ ಇಂಡಿಯಾ-2002’ ಸ್ಪರ್ಧೆಯ ವಿಜೇತರು 3 ಲಕ್ಷ ರುಪಾಯಿ ನಗದು ಬಹುಮಾನ ಪಡೆದರೆ, ಎರಡನೆ ಸ್ಥಾನ ಪಡೆದವರಿಗೆ 1 ಲಕ್ಷ ರುಪಾಯಿ ಹಾಗೂ ಹಾಗೂ ಮೂರನೆ ಸ್ಥಾನ ಪಡೆದವರಿಗೆ 50 ಸಾವಿರ ರುಪಾಯಿ ಬಹುಮಾನವಿದೆ.

ಗ್ರಾಸಿಂ ಮಿಸ್ಟರ್‌ ಇಂಡಿಯಾ ಸ್ಪರ್ಧೆ, ಅಕ್ಷರ ಅಡ್ವರ್ಟೈಸಿಂಗ್‌, 310, ಮೇಘದೂತ್‌ ಬಿಲ್ಡಿಂಗ್‌, ನಂ.94, ನೆಹರು ಪ್ಲೇಸ್‌, ನವದೆಹಲಿ-110019.