ಹಂಗೇರಿ ಮೂಲಕ ಯುರೋಪ್‌ ಮಾರುಕಟ್ಟೆಗೆ ‘ಟಿಸಿಎಸ್‌’ ಪದಾರ್ಪಣ

ಬೆಂಗಳೂರು : ಟಾಟಾ ಸಮೂಹಕ್ಕೆ ಸೇರಿದ ‘ಟಾಟಾ ಕನ್ಸಲ್ಟನ್ಸಿ ಸರ್ವೀಸಸ್‌’ (ಟಿಸಿಎಸ್‌) ಆಗಸ್ಟ್‌ 29 ರಂದು ಹಂಗೇರಿಯಲ್ಲಿ ತನ್ನ ಸಾಗರೋತ್ತರ ಅಭಿವೃದ್ಧಿ ಕೇಂದ್ರವನ್ನು ಪ್ರಾರಂಭಿಸಲಿದೆ ಎಂದು ಕಂಪನಿಯ ಮೂಲಗಳು ತಿಳಿಸಿವೆ.

ಹಂಗೇರಿಯಲ್ಲಿ ಪ್ರಾರಂಭವಾಗುವ ಕಚೇರಿಯ ಮೂಲಕ ಇದೇ ಮೊದಲ ಬಾರಿಗೆ ಕಂಪನಿ ಯುರೋಪ್‌ ಮಾರುಕಟ್ಟೆ ಪ್ರವೇಶಿಸುತ್ತಿದೆ. ಪ್ರಾರಂಭದಲ್ಲಿ 50 ಜನರೊಂದಿಗೆ ಟಿಸಿಎಸ್‌ ಅಭಿವೃದ್ಧಿ ಕೇಂದ್ರ ಪ್ರಾರಂಭವಾಗುವುದು. ಕಂಪನಿಗಳ ರಚನೆ, ನಿರ್ವಹಣಾ ಚಾತುರ್ಯ ಹಾಗೂ ವಾಣಿಜ್ಯಾಭಿವೃದ್ಧಿ ಕುರಿತಂತೆ ಸಲಹೆ ನೀಡುವ ಹಂಗೇರಿಯಲ್ಲಿನ ಟಿಸಿಎಸ್‌ ಕೇಂದ್ರ, ಯುರೋಪಿಯನ್‌ ಗ್ರಾಹಕರ ಅಗತ್ಯಗಳನ್ನು ಪೂರೈಸುವುದು ಎಂದು ಟಿಸಿಎಸ್‌ ಮೂಲಗಳು ತಿಳಿಸಿವೆ.

2000-01 ನೇ ಸಾಲಿನಲ್ಲಿ 3,142 ಕೋಟಿ ರುಪಾಯಿಗಳ ಆದಾಯವನ್ನು ಟಿಸಿಎಸ್‌ ಗಳಿಸಿದೆ. ಕಳೆದ 6 ವರ್ಷಗಳಿಂದ ಕಂಪನಿಯ ಆದಾಯ ಪ್ರತಿ ಎರಡು ವರ್ಷಗಳಿಗೊಮ್ಮೆ ದುಪ್ಪಾಟ್ಟಾಗಿದೆ. ಈಗಾಗಲೇ 22 ಸಾಗರೋತ್ತರ ಅಭಿವೃದ್ಧಿ ಕೇಂದ್ರಗಳನ್ನು ಹೊಂದಿರುವ ಟಿಸಿಎಸ್‌ ಇದೀಗ ಯುರೋಪ್‌ನತ್ತ ತನ್ನ ಅಭಿಯಾನ ಪ್ರಾರಂಭಿಸಿದೆ. ಯಶಸ್ಸು ಕೋರೋಣವಾ!

(ಪಿಟಿಐ)