ಮಂಗಳೂರಲ್ಲಿ ಮಹಿಳೆಯರಿಗಾಗಿ ಕಂಪ್ಯೂಟರ್ ಹಾರ್ಡ್ವೇರ್ ತರಪೇತಿ
ಮಂಗಳೂರು : ಕರ್ನಾಟಕ ಪ್ರಾದೇಶಿಕ ವಿಜ್ಞಾನ ಮತ್ತು ತಂತ್ರಜ್ಞಾನ ಎಂಜಿನಿಯರಿಂಗ್ ಕಾಲೇಜು ಎಂಟರ್ಪ್ರೀನರ್ಸ್ ಪಾರ್ಕ್ (ಕೆಆರ್ಇಸಿ- ಎಸ್ಟಿಇಪಿ), ಮಂಗಳೂರು ಮತ್ತು ಉಡುಪಿ ಜಿಲ್ಲಾ ಕೈಗಾರಿಕೆಗಳ ಕೇಂದ್ರ (ಡಿಐಸಿ) ಸಹಯೋಗದಲ್ಲಿ ಕಂಪ್ಯೂಟರ್ ಹಾರ್ಡ್ವೇರ್ ಕುರಿತ 21 ದಿನಗಳ ಕೌಶಲ್ಯಾಭಿವೃದ್ಧಿ ತರಪೇತಿ ಆಯೋಜಿಸಿದೆ. ಇದು ಮಹಿಳೆಯರಿಗಾಗಿ ಮಾತ್ರ.
ಆಗಸ್ಟ್ 27ರಿಂದ ಪ್ರಾರಂಭವಾಗಲಿರುವ ಈ ತರಪೇತಿ ಮಹಿಳೆಯರು ಸ್ವ- ಉದ್ಯೋಗಿಗಳಾಗಲು ನೆರವಾಗಲಿದೆ. ಎಲೆಕ್ಟ್ರಾನಿಕ್ಸ್, ಕಮ್ಯುನಿಕೇಷನ್ಸ್ ಅಥವಾ ಕಂಪ್ಯೂಟರ್ ಸೈನ್ಸ್ - ಈ ಪೈಕಿ ಯಾವುದಾದರೊಂದು ವಿಷಯದಲ್ಲಿ ಪದವಿ ಅಥವಾ ಡಿಪ್ಲೊಮಾ ಪಡೆದಿರುವ 21ರಿಂದ 35 ವರ್ಷ ವಯೋಮಾನದ ಹೆಂಗಸರು ತರಪೇತಿಗೆ ಯೋಗ್ಯರು. ಈ ತರಪೇತಿ ಸಂಪೂರ್ಣ ಉಚಿತ.
ಆಸಕ್ತರು ಈ ವಿಳಾಸಕ್ಕೆ ಅರ್ಜಿ ಗುಜರಾಯಿಸಿರಿ- ನಿರ್ದೇಶಕರು, ಕೆಆರ್ಇಸಿ- ಎಸ್ಟಿಇಪಿ, ಶ್ರೀನಿವಾಸನಗರ ಪೋಸ್ಟ್ ಆಫೀಸ್, ಸೂರತ್ಕಲ್- 574 157. ಅರ್ಜಿ ಹಾಕಲು ಕೊನೆ ದಿನಾಂಕ ಆಗಸ್ಟ್ 25. ಅಥವಾ ಅದೇ ದಿನದಂದು 11 ಗಂಟೆಗೆ ಇದೇ ವಿಳಾಸಕ್ಕೆ ನೇರವಾಗಿ ಸಂದರ್ಶನಕ್ಕೂ ಹೋಗಬಹುದು ಎಂದು ಕೆಆರ್ಇಸಿ- ಎಸ್ಟಿಇಪಿ ಪ್ರಕಟಣೆ ತಿಳಿಸಿದೆ.
(ಇನ್ಫೋ ವಾರ್ತೆ)