ಕಾಶ್ಮೀರ ಪ್ರಕರಣ: ವಾಜಪೇಯಿ ಸರ್ಕಾರದ ವಿರುದ್ಧ ವಿಹೆಚ್‌ಪಿ ವಾಗ್ದಾಳಿ

ಬಹ್‌ರೈಚ್‌: ವಾಜಪೇಯಿ ಸರ್ಕಾರದ ಮೇಲೆ ಕಟು ದಾಳಿ ನಡೆಸಿರುವ ವಿಶ್ವ ಹಿಂದೂ ಪರಿಷತ್‌, ಕಾಶ್ಮೀರ ಪ್ರಕರಣವನ್ನು ಇತ್ಯರ್ಥಪಡಿಸುವಲ್ಲಿ ವಾಜಪೇಯಿ ಸರ್ಕಾರ ಸಂಪೂರ್ಣವಾಗಿ ವಿಫಲವಾಗಿದೆ ಎಂದು ಆಪಾದಿಸಿದೆ.

ಕಾಂಗ್ರೆಸ್‌ ಹಾಗೂ ಜನತಾದಳ ಸರ್ಕಾರಗಳು ಸಾಗಿದ ದಾರಿಯಲ್ಲೇ ವಾಜಪೇಯಿ ಸರ್ಕಾರವೂ ಸಾಗುತ್ತಿದೆ. ಕಾಶ್ಮೀರ ಪ್ರಕರಣಕ್ಕೆ ಪರಿಹಾರ ಹುಡುಕುವಲ್ಲಿ ವಾಜಪೇಯಿ ನೇತೃತ್ವದ ಸರ್ಕಾರ ಸೇರಿದಂತೆ ಅಧಿಕಾರ ಷಾಹಿಗಳು ಹಾಗೂ ಕಾನೂನು ರೂಪಕರು ಕಾರಣವಾಗಿದ್ದಾರೆ ಎಂದು ವಿಹೆಚ್‌ಪಿಯ ಅಂತರರಾಷ್ಟ್ರೀಯ ಜನರಲ್‌ ಸೆಕ್ರಟರಿ ಪ್ರವೀಣ್‌ ಟೊಗಡಿಯ ಸುದ್ದಿಗಾರರಿಗೆ ತಿಳಿಸಿದ್ದಾರೆ.

ಜಮ್ಮು ಮತ್ತು ಕಾಶ್ಮೀರದಲ್ಲಿ ಯಥಾಸ್ಥಿತಿ ಮರುಕಳಿಸಲಿಕ್ಕೆ ಕೆ.ಪಿ.ಎಸ್‌. ಗಿಲ್‌ ಹಾಗೂ ಜಗ್‌ಮೋಹನ್‌ ಅಂಥವರು ನಮಗೆ ಬೇಕಾಗಿದ್ದಾರೆ ಎಂದು ಅಭಿಪ್ರಾಯಪಟ್ಟ ಪ್ರವೀಣ್‌ ಅವರು, ಐಎಸ್‌ಐ ಸೂಚನೆ ಮೇರೆಗೆ ‘ಸಿಮಿ’ಯಾಂದಿಗೆ ‘ಜಮಾತೆ-ಇ-ಇಸ್ಲಾಂ’ ಕೆಲಸಮಾಡುತ್ತಿದೆ. ದೇಶದಲ್ಲಿ ಶಾಂತಿ ಕದಡುವುದು ಈ ಸಂಘಟನೆಗಳ ಉದ್ದೇಶ ಎಂದು ಆಪಾದಿಸಿದರು.

‘ಮದರಾಸಾ’ಗಳು ಕೂಡ ದೇಶದಲ್ಲಿ ಭಯೋತ್ಪಾದಕ ಚಟುವಟಿಕೆಗಳನ್ನು ಪ್ರೋತ್ಸಾಹಿಸುತ್ತಿವೆ. ಈ ಬಗೆಗಿನ ಎಲ್ಲ ದಾಖಲೆಗಳು ಕೇಂದ್ರ ಗೃಹ ಸಚಿವಾಲಯದ ಬಳಿ ಲಭ್ಯವಿದ್ದರೂ, ಸರ್ಕಾರ ಸುಮ್ಮನೆ ಕೂತಿದೆ ಎಂದು ಪ್ರವೀಣ್‌ ಟೀಕಿಸಿದರು.

(ಪಿಟಿಐ)