ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಆಗಸ್ಟ್‌ ಅಂತ್ಯಕ್ಕೆಮೈಸೂರಿನಲ್ಲಿ ಸಂಚಾರಿ ಹೃದಯ ಚಿಕಿತ್ಸಾ ಪ್ರಯೋಗಾಲಯ

By Staff
|
Google Oneindia Kannada News

ಮೈ ಸೂರು : ಆಗಸ್ಟ್‌ 27ರಿಂದ 31ರವರೆಗೆ ಭಗವಾನ್‌ಮಹಾವೀರ ಜೈನ್‌ ಹಾರ್ಟ್‌ ಸೆಂಟರ್‌ನ ಸಂಚಾರಿ ಹೃದಯ ಚಿಕಿತ್ಸಾ ಪ್ರಯೋಗಾಲಯ ಮೈಸೂರಿನಲ್ಲಿ ಓಡಾಡಲಿದೆ.

ಸೆಪ್ಟೆಂಬರ್‌ನಲ್ಲಿ ಪ್ರತಿವಾರದ ಕೊನೆಯ ದಿನಗಳಲ್ಲಿ ಮೈಸೂರು ನಗರ ಮತ್ತು ಹತ್ತಿರದ ಹಳ್ಳಿಗಳಲ್ಲಿ ಸಂಚಾರಿ ಹೃದಯ ಚಿಕಿತ್ಸಾ ಪ್ರಯೋಗಾಲಯ ಸಂಚರಿಸಲಿದೆ. ಹಾರ್ಟ್‌ ಸೆಂಟರ್‌ನ ನಿರ್ವಹಣಾ ನಿರ್ದೇಶಕ ಡಾ. ಎಸ್‌. ಎಸ್‌. ರಮೇಶ್‌ ಅವರ ಪ್ರಕಾರ ಹೃದಯ ಚಿಕಿತ್ಸೆಯ ಅನುಭವೀ ವೈದ್ಯರು ಸಂಚಾರಿ ಪ್ರಯೋಗಾಲಯದಲ್ಲಿರುತ್ತಾರೆ. ಹೃದಯದ ಸಮಸ್ಯೆಯಿರುವವರಿಗೆ ಕೊರೋನರಿ ಆ್ಯಂಜಿಯೋಗ್ರಾಮ್ಸ್‌ ಸೇರಿದಂತೆ ಅಗತ್ಯ ಚಿಕಿತ್ಸೆಗಳನ್ನು ಸಂಚಾರಿ ಪ್ರಯೋಗಾಲಯದಲ್ಲಿ ನೀಡಲಾಗುವುದು.

ಭಗವಾನ್‌ಮಹಾವೀರ ಜೈನ್‌ ಹಾರ್ಟ್‌ ಸೆಂಟರ್‌ ಕಳೆದ ವರ್ಷವಷ್ಟೇ ಆರಂಭವಾಗಿತ್ತು. ಸಂಚಾರಿ ಪ್ರಯೋಗಾಲಯಕ್ಕೆ ಅಗತ್ಯವಿರುವ ವಸ್ತುಗಳನ್ನು , ವೈದ್ಯಕೀಯ ಸಲಕರಣೆಗಳನ್ನು ಹೊಂದಿಸುವುದು ಕಷ್ಟದ ಕೆಲಸ. ಆದರೂ ಜೈನ್‌ ಹಾರ್ಟ್‌ ಸೆಂಟರ್‌ನ ಪ್ರಯೋಗಾಲಯ ಸುಸಜ್ಜಿತವಾಗಿದೆ. ರೋಗಿಗೆ ಆ್ಯಂಜಿಯೋಗ್ರಾಮ್ಸ್‌ ಚಿಕಿತ್ಸೆಯನ್ನು ಆತನ ಮನೆಯ ಮುಂದೆಯೇ ನಡೆಸಲಾಗುವುದು. ಅಲ್ಲದೆ ಕುಟುಂಬದ ಡಾಕ್ಟರು ಸೇರಿದಂತೆ ಮನೆ ಮಂದಿಯೆಲ್ಲ ಪ್ರಯೋಗಾಲಯದ ಬಳಿಯೇ ಇರುವುದರಿಂದ ರೋಗಿಗೆ ಆತ್ಮವಿಶ್ವಾಸ ಮೂಡುತ್ತದೆ ಎಂದು ರಮೇಶ್‌ ಹೇಳುತ್ತಾರೆ.

ಸಂಚಾರಿ ಪ್ರಯೋಗಾಲಯದ ಬಗ್ಗೆ ಹೆಚ್ಚಿನ ಮಾಹಿತಿಗಳಿಗಾಗಿ ಈ ನಂಬರ್‌ಗಳಿಗೆ ಫೋನಾಯಿಸಬಹುದು. 9580-2267333, 2267600

(ಇನ್ಫೋ ವಾರ್ತೆ)

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X