ದಾವಣಗೆರೆ:ಗೋಡೆ ಕುಸಿದು ನಿದ್ರಿಸುತ್ತಿದ್ದ ಐವರ ದುರ್ಮರಣ

ದಾವಣಗೆರೆ : ಇಲ್ಲಿಗೆ 50 ಕಿಮೀ ದೂರದ ಬಸವಪಟ್ಟಣದ ಸಮೀಪ ಮನೆಯ ಗೋಡೆ ಕುಸಿದು, ನಿದ್ರಿಸುತ್ತಿದ್ದ 5 ಮಂದಿ ಸ್ಥಳದಲ್ಲೇ ದುರ್ಮರಣಕ್ಕೀಡಾದ ಘಟನೆ ಮಂಗಳವಾರ ಬೆಳಗ್ಗೆ ಸಂಭವಿಸಿದೆ. ಸೋಮವಾರ ಸುರಿದ ಸತತ ಮಳೆಯಿಂದಾಗಿ ಮನೆಯ ಗೋಡೆಗಳು ಜಖಂಗೊಂಡಿದ್ದವು.

ಹನುಮಂತ ಬೋವಿ, ಆತನ ಪತ್ನಿ ಸಂಕಮ್ಮ , ಮಗಳು ಶ್ರುತಿ, ಮಗಳು ಹಾಲೇಶಿ ಹಾಗೂ ಯಲ್ಲಮ್ಮ ಗೋಡೆಯಡಿ ಸಿಕ್ಕು ಮೃತರಾದ ದುರ್ದೈವಿಗಳು. ಪ್ರಕರಣದ ಬಗ್ಗೆ ತನಿಖೆ ನಡೆಯುತ್ತಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ದಾವಣಗೆರೆ ಜಿಲ್ಲಾ ಪಂಚಾಯಿತಿ ಅಧ್ಯಕ್ಷ ಪಾರ್ವತಮ್ಮ ಅವರು ದುರ್ಘಟನೆ ಕುರಿತು ಅತೀವ ಶೋಕ ವ್ಯಕ್ತಪಡಿಸಿದ್ದಾರೆ.

(ಪಿಟಿಐ)