ತೆರೆದಿದೆ ರಾಜಭವನದ ಬಾಗಿಲು ಸಾರ್ವಜನಿಕರ ವೀಕ್ಷಣೆಗೆ

ಬೆಂಗಳೂರು : 55 ನೇ ಸ್ವಾತಂತ್ರ್ಯೋತ್ಸವದ ಅಂಗವಾಗಿ ಆಗಸ್ಟ್‌ 16 ರಿಂದ 22 ರವರೆಗೆ, ರಾಜ್ಯದ ಉನ್ನತ ವಾಸ್ತುಶಿಲ್ಪಗಳಲ್ಲಿ ಒಂದಾದ ‘ರಾಜಭವನ’ದ ವೀಕ್ಷಣೆಗೆ ಸಾರ್ವಜನಿಕರಿಗೆ ಅವಕಾಶ ಕಲ್ಪಿಸಲಾಗಿದೆ. ರಾಜಭವನದ ಪ್ರಮುಖ ಭಾಗಗಳು ಹಾಗೂ ಆಕರ್ಷಕ ಕೆತ್ತನೆಗಳನ್ನು ಸಾರ್ವಜನಿಕರು ವೀಕ್ಷಿಸಬಹುದು.

ರಾಜಭವನ ವೀಕ್ಷಣೆಯ ಸಂದರ್ಭದಲ್ಲಿ ಛಾಯಾಚಿತ್ರ ತೆಗೆಯುವುದನ್ನು , ಸಾರ್ವಜನಿಕರು ತಮ್ಮೊಂದಿಗೆ ಕ್ಯಾಮರಾ ಒಯ್ಯುವುದನ್ನು ನಿಷೇಧಿಸಲಾಗಿದೆ ಎಂದು ರಾಜಭವನದ ಪ್ರಕಟಣೆ ತಿಳಿಸಿದೆ. ಆಗಸ್ಟ್‌ 22 ರಂದು ಮಕ್ಕಳಿಗೆ, ಅಂಗವಿಕಲರಿಗೆ ಹಾಗೂ ಪೋಷಕರಿಗೆ ರಾಜಭವನದ ವಿಶೇಷ ಪ್ರವೇಶಾವಕಾಶ ಕಲ್ಪಿಸಲಾಗಿದೆ ಎಂದು ಪ್ರಕಟಣೆ ತಿಳಿಸಿದೆ.

(ಇನ್ಫೋ ವಾರ್ತೆ)