• search
  • Live TV
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts

ಉದ್ಯಾನದಿ ಉದ್ಭವಮೂರ್ತಿ!

By Staff
|

Gopura of a Templeಬೆಂಗಳೂರು : ಅಕ್ರಮ ದೇವಾಲಯಗಳನ್ನು ಮುಲಾಜಿಲ್ಲದೆ ಕೆಡವಿ ಅಂತ ಮುಖ್ಯಮಂತ್ರಿ ಕೃಷ್ಣ ಅಪ್ಪಣೆ ಕೊಡಿಸಿದ್ದಾರೆ. ಆದರೆ ನಗರದ 40 ಪಾರ್ಕುಗಳಲ್ಲಿ ಹಿಂಡುಗಟ್ಟಲೆ ಭಕ್ತರು ಕೈಮುಗಿದು ನಿಂತಿರುತ್ತಾರೆ. ಇದನ್ನು ನೋಡುವ ಪಾಲಿಕೆ ಸಿಬ್ಬಂದಿ, ‘ಎಂಥಾ ಇಕ್ಕಟ್ಟಿಗೆ ಸಿಕ್ಕಿಸಿದೆಯಪ್ಪಾ, ನಿನ್ನನ್ನು ಕೆಡವೋ ಗತಿ ಬಂತಲ್ಲಾ ’ ಅಂತ ಒರಲುತ್ತಿದ್ದಾರೆ.

ಈ ಇಲ್ಲೀಗಲ್‌ ದೇವತಾಣಗಳನ್ನು ಬಿಸಿಸಿ ನಿರ್ದಾಕ್ಷಿಣ್ಯವಾಗಿ ಕೆಡವುತ್ತದೆಯೇ? ಸದ್ಯಕ್ಕಂತೂ ಇಲ್ಲ. ಹಬ್ಬಗಳ ಕಾಲದಲ್ಲಿ ದೇವಸ್ಥಾನ ಬೀಳಿಸೋದು ಅಂದರೆ... ಅದಕ್ಕೇ ಪರ್ವ ಕಾಲ ಮುಗಿದ ನಂತರ ಇವುಗಳನ್ನು ನೆಲಸಮ ಮಾಡುವ ಕೆಲಸ ಕೈಗೆತ್ತಿಕೊಳ್ಳಲು ಬಿಸಿಸಿ ನಿರ್ಧರಿಸಿದೆ.

ಮಹಾನಗರ ಪಾಲಿಕೆ ವ್ಯಾಪ್ತಿಯಲ್ಲಿ 400 ಉದ್ಯಾನವನಗಳಿವೆ. ಈ ಪೈಕಿ 150 ಅಭಿವೃದ್ಧಿ ಹೊಂದಿದಂಥವು. ಇವು ಬರೇ ವಾಯುಸಂಚಾರಕ್ಕೆ, ಹರಟೆಗೆ, ಪ್ರೇಮಕ್ಕೆ ಹೇಳಿ ಮಾಡಿಸಿದ ತಾಣಗಳಾಗಿ ಈಗ ಉಳಿದಿಲ್ಲ. ಗಂಟೆ ಸದ್ದು- ಮಂತ್ರಘೋಷ ಜೋರಾಗಿ ಕೇಳುತ್ತಿದೆ.

ನಮೂನೆಗೆ-

  • ಸಜ್ಜನ್‌ ರಾವ್‌ ವೃತ್ತ ಒಂದು ಸುಂದರ ಪಾರ್ಕು. ಅದರ 30 ಮೀ. ಉದ್ದ 17 ಮೀ. ಅಗಲದ ಜಾಗೆ ಈಗ ಅಯ್ಯಪ್ಪನದು ! ಬಗಲಲ್ಲೇ ಶನೇಶ್ವರನೂ ಉಂಟು.
  • ಹನುಮಂತನಗರದ ಹರಿಹರ ಗುಡ್ಡ ಪಾರ್ಕಿನಲ್ಲಿ ಹರಿಹರೇಶ್ವರನಿಗೆ ಪೂಜೆಯಾಗುತ್ತಿದೆ. ಇವನು ಆಕ್ರಮಿಸಿಕೊಂಡಿರುವ ಸ್ಥಳ 22 ಅಡಿ ಉದ್ದ 50 ಅಡಿ ಅಗಲ.
  • ಜಯನಗರದ 4 ಹಾಗೂ 6ನೇ ಬ್ಲಾಕಿನಲ್ಲಿರುವ ಎರಡು ಪಾರ್ಕುಗಳು ಈಗ ಪೂರ್ಣ ಪ್ರಮಾಣದ ಗಣೇಶ ದೇವಾಲಯಗಳು. ಅವು ಪಾರ್ಕು ಎನ್ನಲು ಯಾವ ಪುರಾವೆಗಳೂ ಇಲ್ಲ.
ಗಣೇಶ ಚತುರ್ಥಿ ಇಂಚು ದೂರವಿದೆ. ಬೆಂಗಳೂರಿನ ತುಂಬೆಲ್ಲಾ ಭಕ್ತಿ ತುಂಬಿ ತುಳುಕುತ್ತಿದೆ. ಈ ಹೊತ್ತಿನಲ್ಲಿ ದೇವಸ್ಥಾನ ಕೆಡವಿದರೆ ಬದುಕೋದುಂಟೇ ಎಂಬ ಧೋರಣೆ ತಳೆದಿರುವ ಬಿಸಿಸಿ ತಣ್ಣಗಾಗಿದೆ. ಕೃಷ್ಣಾಜ್ಞೆ ಹೊರ ಬಿದ್ದಾಗ ಮುಲಾಜಿಲ್ಲದೆ ಅಕ್ರಮ ದೇವಾಲಯಗಳ ಮೇಲೆ ಬುಲ್ಡೋಜರನ್ನು ಹರಿಸಿದ ಎಂಜಿನಿಯರುಗಳಿಗೀಗ ‘ಲತ್ತೆ ಹೊಡೆದರೆ..?’ ಅನ್ನುವ ಭಯ ಕಾಡುತ್ತಿದೆಯಂತೆ. ಗಣೇಶ ದೊಡ್ಡ ಕೆರೆಯಲ್ಲಿ ಮುಳುಗಲಿ. ಆಮೇಲೆ ನೋಡೋಣ ಅನ್ನುವ ಸೊಲ್ಲು ಹೆಚ್ಚಾಗಿದೆಯೇ ವಿನಃ ಕೆಡವೇ ತೀರೋಣ ಎಂಬ ಠರಾವು ಈಗ ಕಾವು ಕಳಕೊಂಡಿದೆ.

ಬಿಸಿಸಿ ಆಯುಕ್ತ ಅಶೋಕ್‌ ದಳವಾಯಿ ಅಕ್ರಮ ದೇವತಾಣಗಳಿಗೆ ಖಂಡಿತ ಉಳಿಗಾಲವಿಲ್ಲ. ಅವುಗಳನ್ನು ಪಟ್ಟಿ ಮಾಡಿರೆಂದು ಸಿಬ್ಬಂದಿಗೆ ಹೋಂವರ್ಕ್‌ ಕೊಟ್ಟಿದ್ದಾರೆ. ಪಟ್ಟಿ ಬಹುತೇಕ ಸಿದ್ಧವಾಗಿದೆ. ಆದರೆ, ಇದು ಭಾವನಾತ್ಮಕ ಹಾಗೂ ಸೂಕ್ಷ್ಮ ವಿಷಯವಾದ್ದರಿಂದ ಏಕಾಏಕಿ ದಾಳಿ ಸಾಧ್ಯವಿಲ್ಲ ಎನ್ನುತ್ತಾರವರು.

ಅಂದಹಾಗೆ, ಅಕ್ರಮ ಮೂರುತಿಗಳಿಗೆ ಪೂಜೆ ನಡೆಯುತ್ತಿರುವ ಪಾರ್ಕುಗಳ ಮೊದಲ ಪಟ್ಟಿ ಇಂತಿದೆ....

ಯಡಿಯೂರು ಪಾರ್ಕು, ರಾಮಾಂಜನೇಯ ಗುಡ್ಡ, ಬಿಟಿಎಂ ಲೇಔಟ್‌ ಪಾರ್ಕ್‌, ಲಕ್ಷ್ಮಣ್‌ ರಾವ್‌ ಬೌಲೆವಾರ್ಡ್‌, ಚಂದ್ರ ಲೇಔಟ್‌ ಪಾರ್ಕ್‌, ಮಲ್ಲೇಶ್ವರಂ ಪಾರ್ಕ್‌, ದೊಮ್ಮಲೂರು ಪಾರ್ಕ್‌, ಆವಲಹಳ್ಳಿ ಪಾರ್ಕ್‌, ಕದಿರೇನಹಳ್ಳಿ ಪಾರ್ಕ್‌ ಹಾಗೂ ಪುಲಿಕೇಶಿನಗರ ಪಾರ್ಕ್‌. ಟೈಮ್ಸ್‌ ಆಫ್‌ ಇಂಡಿಯಾ ಪತ್ರಿಕೆ ಈ ಸುದ್ದಿ ಪ್ರಕಟಿಸಿದೆ.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ

ಮುಖಪುಟ / ಕೃಷ್ಣಗಾರುಡಿಯ ಕನ್ನಡಿ

ಕನ್ನಡ ಮ್ಯಾಟ್ರಿಮೋನಿಯಲ್ಲಿ - ಉಚಿತ ನೋಂದಣಿ !

Oneindia ಬ್ರೇಕಿಂಗ್ ನ್ಯೂಸ್,
ತಾಜಾ ಸುದ್ದಿ ತಕ್ಷಣವೇ ಪಡೆಯಿರಿ

Notification Settings X
Time Settings
Done
Clear Notification X
Do you want to clear all the notifications from your inbox?
Settings X
We use cookies to ensure that we give you the best experience on our website. This includes cookies from third party social media websites and ad networks. Such third party cookies may track your use on Oneindia sites for better rendering. Our partners use cookies to ensure we show you advertising that is relevant to you. If you continue without changing your settings, we'll assume that you are happy to receive all cookies on Oneindia website. However, you can change your cookie settings at any time. Learn more