ಓ.ಎಫ್.ಸಿ. ಘಟಕ ಸೇರಿದಂತೆ 7 ಕೈಗಾರಿಕೆ ಸ್ಥಾಪನೆಗೆಸರ್ಕಾರದ ಸಮ್ಮತಿ
ಬೆಂಗಳೂರು : ಐದು ದಶಲಕ್ಷ ಕಿ.ಮೀಟರ್ ಆಪ್ಟಿಕ್ ಫೈಬರ್ ಕೇಬಲ್ ಅಳವಡಿಸುವ ಸಾಮರ್ಥ್ಯದ ಓಎಫ್ಸಿ ಘಟಕವೂ ಸೇರಿದಂತೆ ಸುಮಾರು 3,429.50 ಕೋಟಿ ರುಪಾಯಿ ಬಂಡವಾಳದಲ್ಲಿ ಏಳು ಹೊಸ ಕೈಗಾರಿಕೆಗಳನ್ನು ಸ್ಥಾಪಿಸಲು ರಾಜ್ಯ ಸರಕಾರ ಅನುಮತಿ ನೀಡಿದೆ.ಈ ವಿಷಯವನ್ನು ರಾಜ್ಯದ ಬೃಹತ್ ಮತ್ತು ಮಧ್ಯಮ ಕೈಗಾರಿಕಾ ಸಚಿವ ಆರ್.ವಿ. ದೇಶಪಾಂಡೆ ತಿಳಿಸಿದ್ದಾರೆ. 1,000 ಕೋಟಿ ರುಪಾಯಿ ಬಂಡವಾಳದ ಸ್ಟರ್ಲೈಟ್ ಆಪ್ಟಿಕಲ್ ಟೆಕ್ನಾಲಜಿ ಕಂಪನಿ, ಸಾವಿರದ ಹನ್ನೆರಡು ಕೋಟಿ ರು. ಬಂಡವಾಳದ ಇಂಡ್ -ಯುರೋಫಾರ್ಮಾ, 690 ಕೋಟಿ ರುಪಾಯಿ ಬಂಡವಾಳ ಹೂಡಿಕೆಯ ವಿಕಾಸ್ ಟೆಲಿಕಾಂ, 350 ಕೋಟಿ ರುಪಾಯಿ ಬಂಡವಾಳದ ರಿಲಯನ್ಸ್ ಕಮ್ಯೂನಿಕೇಷನ್ಸ್, 150.40 ಕೋಟಿ ರುಪಾಯಿ ಬಂಡವಾಳದ ಫಿಯೋನಿಕ್ಸ್ ಗ್ಲೋಬಲ್ ಸಲ್ಯೂಷನ್ಸ್, 141.60 ಕೋಟಿ ರುಪಾಯಿಗಳ ಮದರ್ ಡೇರಿ ಹಣ್ಣು ಮತ್ತು ತರಕಾರಿ ಘಟಕ, 85 ಕೋಟಿ ರುಪಾಯಿ ಬಂಡವಾಳ ಹೂಡಿಕೆಯ ಸುಭಾಷ್ ಕಬಿನಿ ವಿದ್ಯುತ್ ಉತ್ಪಾದನಾ ಘಟಕ ಆರಂಭಿಸಲು ಆಗಸ್ಟ್ 14ರಂದು ನಡೆದ ಉನ್ನತ ಮಟ್ಟದ ಸಮಿತಿಯ ಸಭೆಯಲ್ಲಿ ಒಪ್ಪಿಗೆ ನೀಡಲಾಗಿದೆ ಎಂದು ದೇಶಪಾಂಡೆ ಹೇಳಿದ್ದಾರೆ.
11 ಸಾವಿರ ಉದ್ಯೋಗ : ಈ ಏಳು ಕೈಗಾರಿಕೆಗಳಿಂದಾಗಿ ಸುಮಾರು 11ಸಾವಿರಕ್ಕೂ ಹೆಚ್ಚು ಜನರಿಗೆ ಉದ್ಯೋಗ ದೊರಕಲಿದೆ. ಸ್ಟರ್ಲೈಟ್ ಆಫ್ಟಿಕಲ್ ಕಂಪನಿಯು ಸೆಪ್ಟೆಂಬರ್ ತಿಂಗಳಿನಿಂದಲೇ ಮೊದಲ ಹಂತದ ಕಾಮಗಾರಿ ಆರಂಭಿಸಲಿದೆ ಎಂದೂ ಸಚಿವರು ವಿವರಿಸಿದರು.
ಮುಖಪುಟ / ಇವತ್ತು... ಈ ಹೊತ್ತು...