ಜನತೆಯ ಸಮಸ್ಯೆಗಳ ವಿರುದ್ಧ ಭಾರತ-ಪಾಕ್‌ ಯುದ್ಧ - ವಾಜಪೇಯಿ

ನವದೆಹಲಿ : ಇನ್ನು ಮುಂದಾದರೂ ರಕ್ಷಣಾ ವ್ಯವಸ್ಥೆಗೆ ಖರ್ಚು ಮಾಡುತ್ತಿರುವ ಭಾರೀ ಮೊತ್ತದ ಹಣವನ್ನು ಜನತೆಯ ಮೂಲಭೂತ ಸಮಸ್ಯೆಗಳ ನಿವಾರಣೆಗಾಗಿ ಭಾರತ ಹಾಗೂ ಪಾಕಿಸ್ತಾನ ಖರ್ಚು ಮಾಡಬೇಕಾದ ಅಗತ್ಯವಿದೆ ಎಂದು ಪ್ರಧಾನಿ ವಾಜಪೇಯಿ ಪ್ರತಿಪಾದಿಸಿದ್ದಾರೆ.

55 ನೇ ಸ್ವಾತಂತ್ರ್ಯೋತ್ಸವದ ಸಂದರ್ಭದಲ್ಲಿ ಕೆಂಪುಕೋಟೆಯ ಮೇಲೆ ರಾಷ್ಟ್ರಧ್ವಜವನ್ನು ಹಾರಿಸಿ, ದೇಶವನ್ನುದ್ದೇಶಿಸಿ ಪ್ರಧಾನಿ ಮಾತನಾಡುತ್ತಿದ್ದರು. ನಾವು ಶಾಂತಿಯ ಪ್ರತಿಪಾದಕರು, ನೆರೆಯ ದೇಶಗಳೊಂದಿಗೆ ಸೌಹಾರ್ದತೆ ಸಾಧಿಸುವ ಪ್ರಯತ್ನಗಳನ್ನು ಮುಂದುವರಿಸುತ್ತೇವೆ ಎಂದ ಅವರು ತಮ್ಮ ಲಾಹೋರ್‌ ಬಸ್‌ ಯಾತ್ರೆಯ ನಂತರ ಸಂಭವಿಸಿದ ಕಾರ್ಗಿಲ್‌ ಕದನದ ಬಗ್ಗೆ ವಿಷಾದ ವ್ಯಕ್ತಪಡಿಸಿದರು.

ಪಾಕಿಸ್ತಾನ ಪದೇ ಪದೇ ಕಾಲು ಕೆರೆದರೂ, ಇಸ್ಲಮಾಬಾದ್‌ನೊಂದಿಗಿನ ಮಾತುಕತೆಯ ಶಾಂತಿಯ ಬಾಗಿಲನ್ನು ಭಾರತ ಮುಚ್ಚಲಿಲ್ಲ . ಶಾಂತಿಯ ಪ್ರಯತ್ನಗಳನ್ನು ದೌರ್ಬಲ್ಯವೆಂದು ಯಾರೂ ಭಾವಿಸಬಾರದು. ಅದು ನಮ್ಮ ಶಕ್ತಿ ಎಂದು ವಾಜಪೇಯಿ ಹೇಳಿದರು.

(ಪಿಟಿಐ)