ತಿರುಪತಿ ತಿಮ್ಮನ ಭಕ್ತರಿಗೆ ಇನ್ನುಮುಂದೆ ಬಯಸಿದಷ್ಟು ಲಾಡು

ತಿರುಪತಿ : ಸಪ್ತಗಿರಿವಾಸ ಶ್ರೀವೆಂಕಟೇಶನ ಕಾಣಲು ತಿರುಪತಿಗೆ ಹೋಗಿ ಬರುವ ಭಕ್ತರು ಇನ್ನು ಮುಂದೆ ತಾವು ಇಷ್ಟಪಟ್ಟಷ್ಟು ಲಾಡು ಪ್ರಸಾದ ತರಬಹುದಾಗಿದೆ. ಈ ಹಿಂದೆ ತಿರುಪತಿ ತಿಮ್ಮಪ್ಪನ ದರ್ಶನಕ್ಕೆ ಬರುವ ಭಕ್ತರಿಗೆ ಟಿಕೆಟ್‌ಗೆ ಒಂದರಂತೆ ಒಂದೇ ಒಂದು ಲಾಡು ಮಾತ್ರ ನೀಡಲಾಗುತ್ತಿತ್ತು.

ಈಗ ಈ ಪದ್ಧತಿ ಬದಲಾಯಿಸಲಾಗಿದೆ. ಭಕ್ತರು ತಾವು ಬಯಸಿದಷ್ಟು ಲಾಡು ಪ್ರಸಾದ ಕೊಂಡು ತಮ್ಮ ಆಪ್ತೇಷ್ಟರಿಗೆಲ್ಲಾ ನೀಡಬಹುದಾಗಿದೆ. ಇದಕ್ಕಾಗಿಯೇ ಹಗಲು -ರಾತ್ರಿ ಲಡ್ಡು ಕೌಂಟರ್‌ಗಳನ್ನು ತೆರೆಯಲಾಗಿದೆ. ಲೆಕ್ಕಾಚಾರಗಳ ರೀತ್ಯ ಪ್ರತಿದಿನ ತಿರುಪತಿಗೆ ಸರಾಸರಿ 63,706 ಭಕ್ತರು ಆಗಮಿಸುತ್ತಾರೆ. ದಿನವೂ 1.20 ಲಕ್ಷ ಲಾಡು ಪ್ರಸಾದ ಪಡೆಯುತ್ತಾರೆ.

ಈಗ ಉಗ್ರಾಣದಲ್ಲಿ ಬೇಕೆಂದಾಗ ಲಾಡು ದೊರೆಯುವ ವ್ಯವಸ್ಥೆ ಮಾಡಲಾಗಿದೆ. ವಿಶೇಷ ದರ್ಶನ ಪಡೆಯುವ ಭಕ್ತರು ಪುಕ್ಕಟ್ಟೆಯಾಗಿ ಮೂರು ನಾಲ್ಕು ಲಾಡು ಹಾಗೂ ಸಾಮಾನ್ಯ ಕ್ಯೂನಲ್ಲಿ ದರ್ಶನ ಪಡೆವ ಭಕ್ತರು ಒಂದು ಲಾಡುವಿಗೆ 5 ರು ನೀಡಿ ಖರೀದಿಸಬಹುದಾಗಿದೆ. ಈ ನಿಯಮ ಆಗಸ್ಟ್‌ ತಿಂಗಳಿನಿಂದಲೇ ಜಾರಿಗೆ ಬಂದಿದೆ ಎಂದು ಟಿ.ಟಿ.ಡಿ. ದೇವಸ್ಥಾನದ ಮೂಲಗಳು ತಿಳಿಸಿವೆ.

ಮುಖಪುಟ / ಇವತ್ತು... ಈ ಹೊತ್ತು...