ಭಾನುವಾರ ಇಸ್ಕಾನ್‌ನಲ್ಲಿ ಕೃಷ್ಣಾಷ್ಟಮಿ

ಬೆಂಗಳೂರು : ಬೆಂಗಳೂರಿನಲ್ಲಿರುವ ಪ್ರಸಿದ್ಧ ಇಸ್ಕಾನ್‌ ದೇಗುಲದಲ್ಲಿ ಭಾನುವಾರ (12-08-2001) ಶ್ರೀಕೃಷ್ಣ ಜನ್ಮಾಷ್ಟಮಿ ಆಚರಿಸಲಾಗುತ್ತಿದೆ. ಈ ವಿಷಯವನ್ನು ಕೃಷ್ಣ ಪ್ರಜ್ಞೆಯ ಅಂತಾರಾಷ್ಟ್ರೀಯ ಸಂಸ್ಥೆ ಪ್ರಕಟಣೆ ತಿಳಿಸಿದೆ.

ಶ್ರೀಕೃಷ್ಣ ಜನ್ಮಾಷ್ಟಮಿಯ ಪೂರ್ವಭಾವಿ ಕಾರ್ಯಕ್ರಮಗಳು ಹರೇಕೃಷ್ಣ ಭಜನೆಯಾಂದಿಗೆ ಗುರುವಾರದಿಂದಲೇ ವಿದ್ಯುಕ್ತವಾಗಿ ಆರಂಭಗೊಂಡಿವೆ. ಶ್ರೀಕೃಷ್ಣ ಜಯಂತಿಯ ಅಂಗವಾಗಿ ಗುರುವಾರ ಭಗವದ್ಗೀತೆ ಕುರಿತ ಉಪನ್ಯಾಸ ಕಾರ್ಯಕ್ರಮ ಜರುಗಿತು. ರಾಜ್ಯದ ಕನ್ನಡ ಮತ್ತು ಸಂಸ್ಕೃತಿ ಸಚಿವೆ ರಾಣಿ ಸತೀಶ್‌ ಈ ಕಾರ್ಯಕ್ರಮ ಉದ್ಘಾಟಿಸಿದರು.

ಇಸ್ಕಾನ್‌ ಆಡಳಿತ ಮಂಡಳಿ ಆಯುಕ್ತ ಜಯಪತಾಕ ಸ್ವಾಮಿ ಅವರು, ಭಗವದ್ಗೀತೆ ಕುರಿತು ಉಪನ್ಯಾಸ ನೀಡಿದರು. ಕಾರ್ಯಕ್ರಮದಲ್ಲಿ ಹೆಸರಾಂತ ಜ್ಯೋತಿಷಿ ಡಾ. ಎಸ್‌.ಕೆ. ಜೈನ್‌ ಮೊದಲಾದವರು ಪಾಲ್ಗೊಂಡಿದ್ದರು.

ಮುಖಪುಟ / ಶ್ರಾವಣ ಬಂತು ನಾಡಿಗೆ ಬೀಡಿಗೆ...