ಕೊಲಂಬೊದಲ್ಲಿ ಭಾರತ- ಪಾಕ್‌ ವಿದೇಶಾಂಗ ಕಾರ್ಯದರ್ಶಿಗಳ ಸಭೆ

ಕೊಲಂಬೊ: ಭಾರತ ಹಾಗೂ ಪಾಕಿಸ್ತಾನದ ವಿದೇಶಾಂಗ ಕಾರ್ಯದರ್ಶಿಗಳ ನಡುವಣ ಮಾತುಕತೆ ಶುಕ್ರವಾರ ಇಲ್ಲಿ ಪ್ರಾರಂಭವಾಗಿದ್ದು , ಈ ಮಾತುಕತೆಗಳನ್ನು ವಿಫಲ ಆಗ್ರಾ ಶೃಂಗಸಭೆಯ ಮುಂದುವರಿದ ಭಾಗ ಎಂದು ಬಣ್ಣಿಸಲಾಗಿದೆ.

ದಕ್ಷಿಣ ಏಷ್ಯನ್‌ ದೇಶಗಳ ವಿದೇಶಾಂಗ ಕಾರ್ಯದರ್ಶಿಗಳು ಪ್ರಸ್ತುತ ಕೊಲಂಬೊದಲ್ಲಿ ನೆರೆದಿದ್ದು , ಈ ಸಂದರ್ಭದಲ್ಲಿ ಭಾರತ- ಪಾಕ್‌ ವಿದೇಶಾಂಗ ಕಾರ್ಯದರ್ಶಿಗಳು ಉಭಯ ದೇಶಗಳ ನಡುವಣ ಭಿನ್ನಾಭಿಪ್ರಾಯವನ್ನು ಕಡಿಮೆ ಮಾಡಿಕೊಳ್ಳುವ ಪ್ರಯತ್ನ ನಡೆಸುತ್ತಿದ್ದಾರೆ. ಭಾರತದ ತಂಡವನ್ನು ವಿದೇಶಾಂಗ ಕಾರ್ಯದರ್ಶಿ ಚೋಕಿಲಾ ಅಯ್ಯರ್‌ ವಹಿಸಿದ್ದರೆ, ಪಾಕ್‌ ವಿದೇಶಾಂಗ ಕಾರ್ಯದರ್ಶಿ ಇನಾಮುಲ್‌ ಹಕ್‌ ಪಾಕ್‌ ತಂಡದ ಮುಂದಾಳಾಗಿದ್ದಾರೆ.

ಭಾರತೀಯ ಸ್ವಾಮ್ಯದ ‘ತಾಜ್‌ ಸಮುದ್ರ’ ಹೊಟೇಲ್‌ನಲ್ಲಿ ಚೋಕಿಲಾ ಹಾಗೂ ಇನಾಮುಲ್‌ ಅವರ ನಡುವಣ ಮುಚ್ಚಿದ ಬಾಗಿಲ ಮಾತುಕತೆ ಪ್ರಾರಂಭವಾಗುವ ಮುನ್ನ , ಇಬ್ಬರು ನಾಯಕರು ಪರಸ್ಪರ ಕೈ ಕುಲುಕುವ ಮೂಲಕ ಫೋಟೋಗ್ರಾಫರ್‌ಗಳಿಗೆ ಪೋಸ್‌ ನೀಡಿದರು.

(ಏಜೆನ್ಸೀಸ್‌)