ಇಂಟೆಲ್‌ನಿಂದ ರಾಜ್ಯದ ಶಾಲಾ ಶಿಕ್ಷಕರಿಗೆ ವಿಶೇಷ ತರಬೇತಿ ಯೋಜನೆ

ನವದೆಹಲಿ : ತಂತ್ರಜ್ಞಾನದ ಬಳಕೆಯ ಮೂಲಕ ಬೋಧನೆ ಹಾಗೂ ಕಲಿಕೆಯ ಗುಣಮಟ್ಟವನ್ನು ಹೆಚ್ಚಿಸುವ ಉದ್ದೇಶದಿಂದ ಕರ್ನಾಟಕದ ಶಾಲಾ ಶಿಕ್ಷಕರಿಗೆ ತರಬೇತಿ ನೀಡುವ ವಿಶೇಷ ಯೋಜನೆಯಾಂದನ್ನು ‘ಇಂಟೆಲ್‌ ಏಷ್ಯಾ ಅಂಡ್‌ ಡೈರೆಕ್ಟೊರೇಟ್‌ ಆಫ್‌ ಸ್ಟೇಟ್‌ ಎಜುಕೇಶನ್‌ ಅಂಡ್‌ ರಿಸರ್ಚ್‌ ಟ್ರೆೃನಿಂಗ್‌’ (ಡಿಎಸ್‌ಇಆರ್‌ಟಿ) ಗುರುವಾರ ಪ್ರಕಟಿಸಿದೆ.

ಇಂಟೆಲ್‌ನ ಅಧ್ಯಕ್ಷ ಹಾಗೂ ಮುಖ್ಯ ಕಾರ್ಯ ನಿರ್ವಾಹಕ ಅಧಿಕಾರಿ ಕ್ರೆಗ್‌ ಬ್ಯಾರೆಟ್‌ ಹಾಗೂ ಕರ್ನಾಟಕದ ಮುಖ್ಯಮಂತ್ರಿ ಎಸ್‌.ಎಂ.ಕೃಷ್ಣ ಅವರ ನಡುವೆ ಗುರುವಾರ ನಡೆದ ಮಾತುಕತೆಯ ನಂತರ ಈ ಯೋಜನೆಯನ್ನು ಪ್ರಕಟಿಸಲಾಯಿತು. ರಾಜ್ಯದ 7 ಸಾವಿರ ಶಿಕ್ಷಕರು ಈ ಯೋಜನೆಯಡಿ ತರಬೇತಿ ಪಡೆಯಲಿದ್ದಾರೆ.

ಬಂಡವಾಳವನ್ನು ಹೂಡಲು ಸಿದ್ಧವಾಗಿರುವ ಇಂಟೆಲ್‌ಗೆ ರಾಜ್ಯದ ಸ್ವಾಗತವಿದೆ. ಮಿಲೆನಿಯಂ ಐಟಿ ನೀತಿ ಮಾಹಿತಿ ಅನ್ವಯ ಈಗಾಗಲೇ ಈ ಯೋಜನೆಗೆ ರಾಜ್ಯ ಸರ್ಕಾರ ಹಲವಾರು ರಿಯಾಯಿತಿ- ಸೌಲಭ್ಯಗಳನ್ನು ನೀಡಲಾಗಿದೆ ಎಂದು ಯೋಜನೆಯನ್ನು ಪ್ರಕಟಿಸಿದ ನಂತರ ಕೃಷ್ಣ ಹೇಳಿದರು.

ಸಮಾಜದ ಕನಿಷ್ಠನವರೆಗೆ ಹಾಗೂ ಸರ್ಕಾರಿ ಶಾಲೆಯ ಬಡ ವಿದ್ಯಾರ್ಥಿಗೂ ಮಾಹಿತಿ ತಂತ್ರಜ್ಞಾನವನ್ನು ಒಯ್ಯುವ ಮಹತ್ವಾಕಾಂಕ್ಷೆಯನ್ನು ಮುಖ್ಯಮಂತ್ರಿ ಕೃಷ್ಣ ಹೊಂದಿದ್ದು , ಪ್ರಸಕ್ತ ಇಂಟೆಲ್‌ ಸಹಯೋಗದ ಯೋಜನೆ ಈ ನಿಟ್ಟಿನಲ್ಲಿ ಮಹತ್ವದ ಪಾತ್ರ ವಹಿಸುತ್ತದೆಂದು ನಂಬಲಾಗಿದೆ.

ಈ ಯೋಜನೆಯಡಿಯಲ್ಲಿ ಇಂಟೆಲ್‌ ಈಗಾಗಲೇ ಭಾರತದ 15 ನಗರಗಳ ಸುಮಾರು 28 ಸಾವಿರ ಶಿಕ್ಷಕರಿಗೆ ತರಬೇತಿ ನೀಡಿದೆ. 2002 ಇಸವಿಯಾಳಗೆ 20 ದೇಶಗಳ 4 ಲಕ್ಷ ಶಿಕ್ಷಕರಿಗೆ ತರಬೇತಿ ನೀಡುವ ಉದ್ದೇಶವನ್ನು ಇಂಟೆಲ್‌ ಹೊಂದಿದೆ.

ಬೆಂಗಳೂರಿನಿಂದ ಇಂಟೆಲ್‌ ಚಟುವಟಿಕೆಗಳು

ಶಾಲಾಕೊಠಡಿಗಳಲ್ಲಿ ಕಂಪ್ಯೂಟರ್‌ ತಂತ್ರಜ್ಞಾನ ಬಳಕೆಯ ರಾಜ್ಯ ಸರ್ಕಾರದ ದೃಷ್ಟಿಕೋನವನ್ನು ನಾವು ಹಂಚಿಕೊಳ್ಳುತ್ತೇವೆ ಎಂದು ತಿಳಿಸಿದ ಬ್ಯಾರೆಟ್‌, ವಿದ್ಯಾರ್ಥಿಗಳು ತಂತ್ರಜ್ಞಾನ ಕ್ಷೇತ್ರದ ಸಾಧ್ಯತೆಗಳನ್ನು ವಿಸ್ತರಿಸುವ ಕುರಿತು ಆಶಾಭಾವನೆ ವ್ಯಕ್ತಪಡಿಸಿದರು.

ಮುಂದಿನ ವರ್ಷದ ಮಧ್ಯಭಾಗದಲ್ಲಿ ಇಂಟೆಲ್‌ ತನ್ನ ವಿನ್ಯಾಸ ಹಾಗೂ ಅಭಿವೃದ್ಧಿ ಚಟುವಟಿಕೆಗಳನ್ನು ಬೆಂಗಳೂರಿನಲ್ಲಿ ಹಮ್ಮಿಕೊಳ್ಳುತ್ತದೆ. 26 ಮಿಲಿಯನ್‌ ಡಾಲರ್‌ಗಳ ಈ ಚಟುವಟಿಕೆಗೆ 2 ಲಕ್ಷ ಚದರ ಅಡಿ ಭೂಮಿ ಅಗತ್ಯವಾಗಿದೆ. ಪ್ರಸ್ತುತ ಇಂಟೆಲ್‌ ಇಂಡಿಯಾ ಡೆವಲಪ್‌ಮೆಂಟ್‌ ಸೆಂಟರ್‌ನಲ್ಲಿ 500 ಇಂಜಿನಿಯರ್‌ಗಳು ಕಾರ್ಯ ನಿರ್ವಹಿಸುತ್ತಿದ್ದಾರೆ ಎಂದು ಬ್ಯಾರೆಟ್‌ ಹೇಳಿದರು.

(ಏಜೆನ್ಸೀಸ್‌)