ತ್ವರಿತ ಅಲರ್ಟ್ ಗಳಿಗಾಗಿ
ನೋಟಿಫಿಕೇಷನ್ ಅನುಮತಿಸಿ  
For Daily Alerts
Oneindia App Download

ಮಂಡ್ಯದಿಂದ ನೇಪಾಳಕ್ಕೆ 2.15 ಕೋಟಿ ರು.ಮೌಲ್ಯದ ಹಾಲಿನ ಪುಡಿ

By Staff
|
Google Oneindia Kannada News

ಮಂಡ್ಯ : ನೇಪಾಳದ ಮಿಲ್ಕ್‌ ಡೈರಿ ಡೆವಲಪ್‌ಮೆಂಟ್‌ ಕಾರ್ಪೊರೇಷನ್‌ನೊಂದಿಗೆ ಕರ್ನಾಟಕ ಹಾಲು ಮಹಾ ಮಂಡಳಿ ಮಾಡಿಕೊಂಡಿರುವ ಒಪ್ಪಂದದ ಅನುಸಾರ 150 ಟನ್‌ ಹಾಲಿನ ಪುಡಿ ಸೋಮವಾರ ಮಂಡ್ಯದಿಂದ ನೇಪಾಳಕ್ಕೆ ಪ್ರಯಾಣ ಬೆಳೆಸಿತು. ಮಂಡ್ಯ ಜಿಲ್ಲಾ ಹಾಲು ಒಕ್ಕೂಟ ಕಳುಹಿಸಿರುವ ಈ ಹಾಲಿನ ಪುಡಿ ಚೀಲಗಳನ್ನು ತುಂಬಿದ್ದ ಲಾರಿಗಳಿಗೆ ಒಕ್ಕೂಟದ ಅಧ್ಯಕ್ಷ ಜವರೇಗೌಡ ಹಸಿರು ನಿಶಾನೆ ತೋರಿಸಿದರು.

ದೇಶದಲ್ಲಿ ಇದೇ ಮೊದಲ ಬಾರಿಗೆ ವಿದೇಶಕ್ಕೆ ಹಾಲಿನ ಉತ್ಪನ್ನವನ್ನು ಮಂಡ್ಯ ಜಿಲ್ಲಾ ಹಾಲು ಒಕ್ಕೂಟ ರಫ್ತು ಮಾಡಿದೆ. ಕಳೆದ ತಿಂಗಳು 150 ಟನ್‌ ಹಾಲಿನ ಪುಡಿಯನ್ನು ಕಳುಹಿಸಲಾಗಿದ್ದು , ಪ್ರಸ್ತುತ ರಫ್ತಿನಿಂದಾಗಿ ಒಟ್ಟು 300 ಟನ್‌ ಹಾಲಿನ ಪುಡಿಯನ್ನು ನೇಪಾಳಕ್ಕೆ ಕಳುಹಿಸಿದಂತಾಗಿದೆ.

ನೇಪಾಳಕ್ಕೆ ಸರಬರಾಜು ಮಾಡಿರುವ ಹಾಲಿನ ಪುಡಿಯ ಬೆಲೆಯನ್ನು ಪ್ರತಿ ಕಿಲೋ ಒಂದಕ್ಕೆ 75 ರುಪಾಯಿ ನಿಗದಿ ಪಡಿಸಿದ್ದು, ಒಟ್ಟು 2.15 ಕೋಟಿ ರುಪಾಯಿ ಮೌಲ್ಯದ ಹಾಲಿನ ಪುಡಿ ಕಳುಹಿಸಲಾಗಿದೆ ಎಂದು ಜವರೇಗೌಡ ಹೇಳಿದರು. ರಾಜ್ಯದ ಇತಿಹಾಸದಲ್ಲಿ ಇದೇ ಮೊದಲ ಬಾರಿಗೆ ನಂದಿನ ಉತ್ಪನ್ನ ಹೊರರಾಷ್ಟ್ರಕ್ಕೆ ಸಾಗಿಸಲಾಗುತ್ತಿದೆ ಎಂದು ಅವರು ಹರ್ಷಿಸಿದರು.

(ಇನ್ಫೋ ವಾರ್ತೆ)

ತಾಜಾ ಸುದ್ದಿ ತಕ್ಷಣ ಪಡೆಯಿರಿ
Enable
x
Notification Settings X
Time Settings
Done
Clear Notification X
Do you want to clear all the notifications from your inbox?
Settings X