ಬರಲಿದೆ..ಅಂಚೆಕಚೇರಿ ಸೂರಿನಡಿಯಲ್ಲಿ ಎಟಿಎಂ ಕೌಂಟರ್‌!

ನವದೆಹಲಿ : ಒಂದೇ ಛಾವಣಿಯಡಿ ವಿವಿಧ ಸೌಲಭ್ಯಗಳನ್ನು ಬಳಕೆದಾರರು ಅಪೇಕ್ಷಿಸುತ್ತಿರುವ ಸಂದರ್ಭದಲ್ಲಿ ಅಂಚೆ ಕಚೇರಿಯ ಅಂಗಳದಲ್ಲಿ ಎಟಿಎಂ (automatic teller machines)ಕೌಂಟರ್‌ಗಳನ್ನು ಸ್ಥಾಪಿಸುವ ಪ್ರಸ್ತಾವನೆಗಳು ಉಸಿರಾಡುತ್ತಿವೆ. ಕೇಂದ್ರ ಸರ್ಕಾರ ಹ್ಞೂಂ ಅಂದಲ್ಲಿ ಅಂಚೆ ಕಚೇರಿಯಲ್ಲಿ ಎಟಿಎಂ ಒಂದಂಗವಾಗುವ ದಿನ ದೂರವಿಲ್ಲ .

ಅಂಚೆ ಕಚೇರಿಗಳಲ್ಲಿ ಎಟಿಎಂ ಕೌಂಟರ್‌ಗಳನ್ನು ಸ್ಥಾಪಿಸುವ ಬಗೆಗೆ ಕೆಲವು ಬ್ಯಾಂಕ್‌ಗಳು ಅಂಚೆ ಇಲಾಖೆಯನ್ನು ಸಂಪರ್ಕಿಸಿರುವುದನ್ನು ಕೇಂದ್ರ ಸಂಪರ್ಕ ಖಾತೆ ರಾಜ್ಯ ಸಚಿವ ಟಪನ್‌ ಸಿಕ್ದರ್‌ ಸ್ಪಷ್ಟಪಡಿಸಿದ್ದಾರೆ. ಆದರೆ, ಈ ಕುರಿತು ಸರ್ಕಾರವಿನ್ನೂ ಯಾವುದೇ ತೀರ್ಮಾನ ಕೈಗೊಂಡಿಲ್ಲ.

ಅಂಚೆ ಕಚೇರಿಗಳಲ್ಲಿ ಸ್ಥಾಪಿಸಲಾಗುವ ಎಟಿಎಂ ಕೌಂಟರ್‌ಗಳ ಸಂಖ್ಯೆ ಅಥವಾ ಸ್ಥಳಗಳನ್ನು ಕುರಿತಾದ ಕಾರ್ಯ ಯೋಜನೆ ಇನ್ನೂ ತಯಾರಾಗಿಲ್ಲ . ತಾಂತ್ರಿಕ, ಆರ್ಥಿಕ ಅಂಶಗಳನ್ನು ಪರಿಗಣಿಸಿ ಎಟಿಎಂ ಸ್ಥಾಪನೆಯ ಪ್ರಸ್ತಾವನೆಗಳನ್ನು ನಿರ್ಧರಿಸಲಾಗುವುದು ಎಂದು ಸಿಕ್ದರ್‌ ಸೋಮವಾರ ಲೋಕಸಭೆಗೆ ಲಿಖಿತ ಹೇಳಿಕೆಯ ಮೂಲಕ ತಿಳಿಸಿದರು.

(ಪಿಟಿಐ)