For Daily Alerts
‘ನಾಸ್ಕಾಮ್’ನ ನೂತನ ಅಧ್ಯಕ್ಷರಾಗಿ ಕಿರಣ್ ಕಾರ್ನಿಕ್
ಬೆಂಗಳೂರು : ಭಾರತದ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ಜನಕ ಎಂದೇ ಹೆಸರಾದ ದೇವಾಂಗ್ ಮೆಹ್ತಾ ಅವರ ನಿಧನದಿಂದ ತೆರವಾದ ನಾಸ್ಕಾಮ್(ರಾಷ್ಟ್ರೀಯ ಸಾಫ್ಟ್ವೇರ್ ಮತ್ತು ಸೇವಾ ಕಂಪನಿಗಳ ಸಂಘ)ನ ಅಧ್ಯಕ್ಷ ಸ್ಥಾನವನ್ನು ಕಿರಣ್ ಕಾರ್ನಿಕ್ ಅವರು ತುಂಬುವುದು ಹೆಚ್ಚು ಕಡಿಮೆ ಖಚಿತವಾಗಿದೆ. ಭಾರತೀಯ ಬಾಹ್ಯಾಕಾಶ ಸಂಶೋಧನಾ ಸಂಘಟನೆಯಲ್ಲಿ ಹಾಗೂ ಮಾಧ್ಯಮ ಎಕ್ಸಿಕ್ಯುಟಿವ್ ಆಗಿ ದುಡಿದ ಅನುಭವ ಕಿರಣ್ ಕಾರ್ನಿಕ್ ಅವರಿಗಿದೆ.
ಶನಿವಾರ ಬೆಂಗಳೂರಿನಲ್ಲಿ ಸಭೆ ಸೇರಿದ್ದ ನಾಸ್ಕಾಮ್ನ ಕಾರ್ಯಕಾರಿ ಸಮಿತಿಯ ಸಭೆ ಕಿರಣ್ ಕಾರ್ನಿಕ್ ಹೆಸರನ್ನು ಅಧ್ಯಕ್ಷ ಸ್ಥಾನಕ್ಕೆ ಅಂಗೀಕರಿಸಿದೆ ಎಂದು ನಾಸ್ಕಾಮ್ ಮೂಲಗಳು ತಿಳಿಸಿವೆ. ಕಾರ್ನಿಕ್ ಅವರು ಅಧ್ಯಕ್ಷ ಸ್ಥಾನವನ್ನು ವಹಿಸಿಕೊಳ್ಳವ ದಿನಾಂಕ ಸದ್ಯದಲ್ಲೆ ಪ್ರಕಟವಾಗಲಿದೆ. ಕಳೆದ ಏಪ್ರಿಲ್ ತಿಂಗಳಲ್ಲಿ ಆಸ್ಟ್ರೇಲಿಯಾ ಪ್ರವಾಸಕ್ಕೆ ತೆರಳಿದ್ದ ದೇವಾಂಗ್ ಮೆಹ್ತಾ ಅವರು ಹೃದಯಾಘಾತದಿಂದ ನಿಧನರಾದ್ದರಿಂದ ಈ ಸ್ಥಾನ ತೆರವಾಗಿತ್ತು .
(ಇನ್ಫೋ ವಾರ್ತೆ)
Story first published: Sunday, August 5, 2001, 0:00 [IST]