ಹೆಬ್ಬಾಳದಲ್ಲಿ ಕೆನರಾಬ್ಯಾಂಕ್‌ನ ಎಟಿಎಂ ಶಾಖೆ ಪ್ರಾರಂಭ

ಬೆಂಗಳೂರು : ಗ್ರಾಹಕರ ಸೇವೆಗಾಗಿ ಆಧುನಿಕ ತಂತ್ರಜ್ಞಾನವನ್ನು ದಿನೇ ದಿನೇ ಅಳವಡಿಸಿಕೊಳ್ಳುತ್ತಿರುವ ಕೆನರಾಬ್ಯಾಂಕ್‌ ನಗರದಲ್ಲಿ ಮತ್ತೊಂದು ಎಟಿಎಂ ಶಾಖೆಯನ್ನು ಪ್ರಾರಂಭಿಸಿದೆ. ಇದೀಗ ಕೆನರಾ ಬ್ಯಾಂಕ್‌ನ ನೂತನ ಎಟಿಎಂ ಶಾಖೆ ಹೆಬ್ಬಾಳದಲ್ಲಿ ಕಾರ್ಯಾರಂಭ ಮಾಡಿದೆ.

ಕೆನರಾ ಬ್ಯಾಂಕ್‌ ಅಧ್ಯಕ್ಷ ಹಾಗೂ ವ್ಯವಸ್ಥಾಪಕ ನಿರ್ದೇಶಕರಾದ ಆರ್‌. ವಿ. ಶಾಸ್ತ್ರೀ ಎಟಿಎಂ ಯಂತ್ರವನ್ನು ಶನಿವಾರ ಉದ್ಘಾಟಿಸಿದರು. ಇದರೊಂದಿಗೆ ನಗರದಲ್ಲಿ ಕೆನರಾ ಬ್ಯಾಂಕ್‌ನ ಹತ್ತು ಎಟಿಎಂ ಕೌಂಟರ್‌ಗಳು ಕೆಲಸ ಆರಂಭಿಸಿದಂತಾಗಿದೆ.

ಕೆನರಾಬ್ಯಾಂಕ್‌ನ ಬೆಂಗಳೂರು ಎಟಿಎಂ ಜಾಲವು ದೆಹಲಿ, ತಿರುಮಲ ಮತ್ತು ಪುಟ್ಟಪರ್ತಿಯ ಸಂಪರ್ಕ ಪಡೆದಿದೆ. ಸದ್ಯದಲ್ಲಿಯೇ ನಗರದ ಇನ್ನೂ ಒಂಭತ್ತು ಎಟಿಎಂ ಕೌಂಟರ್‌ಗಳು ಕೆಲಸ ನಿರ್ವಹಿಸಲಿವೆ. ಎಟಿಎಂ ಕೌಂಟರ್‌ ಉದ್ಘಾಟನಾ ಸಮಾರಂಭದಲ್ಲಿ ಎಂ. ಪಿ. ನಾಯಕ್‌, ಕೆ. ವೆಂಕಟರಾಮಯ್ಯ ಮತ್ತಿತರ ಅಧಿಕಾರಿಗಳು ಭಾಗವಹಿಸಿದ್ದರು.

(ಇನ್ಫೋ ವಾರ್ತೆ)