ವಾಜಪೇಯಿಗೆ ಬೆನ್ನೆಲುಬಾಗಿ ನಿಲ್ಲಲು ಎನ್‌ಡಿಎ ಸಭೆ ನಿರ್ಣಯ

ನವದೆಹಲಿ : ಪ್ರಧಾನಿ ವಾಜಪೇಯಿ ನೇತೃತ್ವದಲ್ಲಿ ಸಂಪೂರ್ಣ ನಂಬಿಕೆ ಹಾಗೂ ವಿಶ್ವಾಸವನ್ನು ವ್ಯಕ್ತಪಡಿಸಿರುವ ರಾಷ್ಟ್ರೀಯ ಪ್ರಜಾ ಸತ್ತಾತ್ಮಕ ಒಕ್ಕೂಟದ ಸಭೆ, ಒಕ್ಕೂಟದ ನೇತೃತ್ವ ವಹಿಸಲು ವಾಜಪೇಯಿ ಸಮರ್ಥ ನಾಯಕರು ಎಂದು ಅಭಿಪ್ರಾಯ ಪಟ್ಟಿದೆ.

ಬುಧವಾರ ಬೆಳಗ್ಗೆ (ಆಗಸ್ಟ್‌ 1) ವಾಜಪೇಯಿ ನಿವಾಸದಲ್ಲಿ ಸಭೆ ಸೇರಿದ ಎನ್‌ಡಿಎ ನಾಯಕರು ಪ್ರಧಾನಿಯವರಲ್ಲಿ ತಮ್ಮ ಸಂಪೂರ್ಣ ನಂಬುಗೆ ವ್ಯಕ್ತಪಡಿಸಿದರು. ಸಭೆಯ ನಂತರ ಸುದ್ದಿಗಾರರೊಂದಿಗೆ ಮಾತನಾಡಿದ ಕೇಂದ್ರ ಸಂಪರ್ಕ ಖಾತೆ ಸಚಿ ರಾಮ್‌ವಿಲಾಸ್‌ ಪಾಸ್ವಾನ್‌ ‘ಸದ್ಯಕ್ಕೆ ಒಕ್ಕೂಟದ ನಾಯಕತ್ವ ವಹಿಸಲು ವಾಜಪೇಯಿ ಅವರಿಗಿಂತ ಉತ್ತಮ ನಾಯಕರು ಬೇರೆ ಇಲ್ಲ ’ ಎಂದು ಹೇಳಿದರು.

ಸರ್ಕಾರದೊಂದಿಗೆ ತೀವ್ರ ಭಿನ್ನಾಭಿಪ್ರಾಯ ಹೊಂದಿರುವ ಶಿವಸೇನೆ ಬುಧವಾರ ನಡೆದ ಎನ್‌ಡಿಎ ಸಭೆಯಲ್ಲಿ ಭಾಗವಹಿಸಿರಲಿಲ್ಲ . ಕೆಲವು ಮಿತ್ರ ಪಕ್ಷಗಳು ಯುಟಿಐ ಸೇರಿದಂತೆ ಇತ್ತೀಚಿನ ಕೆಲವು ಪ್ರಕರಣಗಳ ಬಗ್ಗೆ ಒಡಕು ಮಾತು ಆಡಿದ ಹಿನ್ನೆಲೆಯಲ್ಲಿ ಪ್ರಧಾನಿ ವಾಜಪೇಯಿ ತಮ್ಮ ಹುದ್ದೆಗೆ ರಾಜೀನಾಮೆ ನೀಡುವ ಇಂಗಿತ ವ್ಯಕ್ತಪಡಿಸಿದ್ದರಿಂದ ಬುಧವಾರದ ಸಭೆ ಜರುಗಿತು.

(ಇನ್ಫೋ ವಾರ್ತೆ)

ವಾರ್ತಾ ಸಂಚಯ
ಮುಖಪುಟ / ಇವತ್ತು... ಈ ಹೊತ್ತು...