ಜರ್ಮನಿಗೆ ಇನ್ನಷ್ಟು ಭಾರತೀಯ ಐಟಿ ತಜ್ಞರ ಅಗತ್ಯವಿದೆ

ಬರ್ಲಿನ್‌ : ಕಳೆದ ವರ್ಷ ಭಾರತೀಯ ಐಟಿ ತಜ್ಞರಿಗೆ ಗ್ರೀನ್‌ ಕಾರ್ಡ್‌ ಸೌಲಭ್ಯ ನೀಡಿ ಕರೆಸಿಕೊಳ್ಳುತ್ತಿದ್ದ ಜರ್ಮನಿ ಈಗ ಮತ್ತೆ ಭಾರತೀಯ ಐಟಿ ತಜ್ಞರಿಗಾಗಿ ತನ್ನ ಸಾಫ್ಟ್‌ವೇರ್‌ ಕ್ಷೇತ್ರದ ಬಾಗಿಲು ತೆರೆದಿದೆ.

ಸುಮಾರು 9 ಸಾವಿರ ಕಂಪ್ಯೂಟರ್‌ ತಜ್ಞರು ಜರ್ಮನಿ ಸಾಫ್ಟ್‌ವೇರ್‌ ಕ್ಷೇತ್ರದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಆದರೆ ಜರ್ಮನಿ ಫೆಡರೇಷನ್‌ ಆಫ್‌ ಇಂಡಸ್ಟ್ರಿ ಪ್ರಕಾರ ದೇಶಕ್ಕೆ ಇನ್ನಷ್ಟು ಕಂಪ್ಯೂಟರ್‌ ತಜ್ಞರ ಅಗತ್ಯವಿದೆ. ನಮಗೆ ಸುಮಾರು 1.5 ಲಕ್ಷ ಐಟಿ ಪರಿಣತರ ಅಗತ್ಯವಿದೆ. ಸರಕಾರವು ಮಾಹಿತಿ ತಂತ್ರಜ್ಞಾನ ಕ್ಷೇತ್ರದತ್ತ ಮಾತ್ರ ಗಮನ ಹರಿಸಿರುವುದರಿಂದ ಐಟಿಯೇತರ ವಲಯಗಳಲ್ಲಿಯೂ ಕೆಲಸ ಮಾಡಲು ಅಧಿಕಾರಿಗಳ ಅಗತ್ಯವಿದೆ.

ಮೆಟಲ್‌ ವರ್ಕ್ಸ್‌ ಮತ್ತು ಎಲೆಕ್ಟ್ರಾನಿಕ್ಸ್‌ ಅಕೌಂಟ್‌ನಲ್ಲಿ 24 ಲಕ್ಷ ಹುದ್ದೆಗಳು ಖಾಲಿಯಾಗಿವೆ. ಬಾವೇರಿಯಾ ಪ್ರದೇಶವೊಂದರಲ್ಲಿಯೇ ಸುಮಾರು 30 ಸಾವಿರ ಉದ್ಯೋಗಗಳು ಖಾಲಿ ಬಿದ್ದಿವೆ. ಇವೆಲ್ಲ ಭರ್ತಿಯಾಗಬೇಕಿದ್ದರೆ ಹೊರ ದೇಶಗಳಿಂದ ಪರಿಣತರು, ಅಧಿಕಾರಿಗಳು ಬರಬೇಕಾಗುತ್ತದೆ. ಆದರೆ ಇತ್ತೀಚಿನ ಸಮೀಕ್ಷೆಯಾಂದರ ಪ್ರಕಾರ ದೇಶದ ಶೇ. 62 ಮಂದಿ ಜರ್ಮನ್ನರು ವಿದೇಶಿಯರ ಆಗಮನವನ್ನು ವಿರೋಧಿಸುತ್ತಾರೆ.

ಇತ್ತೀಚೆಗಷ್ಟೇ ವಿರೋಧ ಪಕ್ಷದಲ್ಲಿರುವ ಕ್ರಿಶ್ಚಿಯನ್‌ ಯೂನಿಯನ್‌ ಪಾರ್ಟಿ ಜರ್ಮನಿಗೆ ವಿದೇಶಿ ತಜ್ಞರ ಅಗತ್ಯವಿರುವುದನ್ನು ಒಪ್ಪಿಕೊಂಡಿದೆ. ವರ್ಷಕ್ಕೆ ಸುಮಾರು 10 ಸಾವಿರ ವಿದ್ಯಾರ್ಥಿಗಳು ಜರ್ಮನಿ ವಿಶ್ವವಿದ್ಯಾಲಯದಿಂದ ಪದವಿ ಮುಗಿಸಿಕೊಂಡು ಹೊರಬಂದರೂ ಅವರೆಲ್ಲಾ ಅಮೆರಿಕಾದ ಕಡೆಗೆ ನೋಡುತ್ತಿರುತ್ತಾರೆ. ಇದರಿಂದ ಜರ್ಮನಿ ಹೊರ ದೇಶಗಳಿಂದ ಪರಿಣತರನ್ನು ನಿರೀಕ್ಷಿಸುತ್ತಿದೆ.

(ಎಎಫ್‌ಪಿ)