ಹುಣಸೂರು ಬಳಿ ರಸ್ತೆ ಅಪಘಾತ : 6 ಸಾವು, 25 ಮಂದಿಗೆ ಗಾಯ

ಮೈಸೂರು : ಹುಣಸೂರು ಬಳಿಯ ಕಲ್ಲುಬೆಟ್ಟದಲ್ಲಿ ರಾಜ್ಯ ರಸ್ತೆ ಸಾರಿಗೆ ಬಸ್‌ ಮತ್ತು ಮ್ಯಾಕ್ಸಿಕ್ಯಾಬ್‌ ನಡುವೆ ಸೋಮವಾರ ಸಂಭವಿಸಿದ ಮುಖಾಮುಖಿ ಡಿಕ್ಕಿಯಿಂದ 6 ಮಂದಿ ಮೃತಪಟ್ಟಿದ್ದು, 25ಕ್ಕೂ ಹೆಚ್ಚು ಜನರಿಗೆ ಗಾಯಗಳಾಗಿವೆ. ಗಾಯಾಳುಗಳು ಹುಣಸೂರಿನ ಸರ್ಕಾರಿ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

ಹುಣಸೂರಿನಿಂದ ಹೊಳೆನರಸೀಪುರದ ಕಡೆಗೆ ಹೋಗುತ್ತಿದ್ದ ಬಸ್‌ಗೆ ವೀರಾಜಪೇಟೆಯಿಂದ ಬರುತ್ತಿದ್ದ ಮ್ಯಾಕ್ಸಿಕ್ಯಾಬ್‌ ಡಿಕ್ಕಿ ಹೊಡೆದು, ಈ ಅಪಘಾತ ಸಂಭವಿಸಿದೆ ಎಂದು ಪೊಲೀಸರು ತಿಳಿಸಿದ್ದಾರೆ. ಸಾವಪ್ಪಿರುವ ಎಲ್ಲರೂ ದೂರವಾಣಿ ಇಲಾಖೆಯ ಆಪ್ಟಿಕ್‌ ಫೈಬರ್‌ ತಂತು ಯೋಜನೆಯ ಕೂಲಿ ಕಾರ್ಮಿಕರಾಗಿದ್ದರು. ಆಂಧ್ರಪ್ರದೇಶದ ಚಿತ್ತೂರು ಜಿಲ್ಲೆಯ ಚೂಡಸಮುದ್ರಂ ಗ್ರಾಮದ ಕದ್ರಿ ಗೋಪಿನಾಥ್‌ (40), ಮಲ್ಲಿಕಾರ್ಜುನ (35), ಮಹಬೂಬ್‌ ಸಾಬ್‌ (40) ಹಾಗೂ ಉತ್ತಣ್ಣ (50) ಅಪಘಾತಕ್ಕೀಡಾದ ದುರ್ದೈವಿಗಳು. ಮೃತಪಟ್ಟಿರುವ ಇನ್ನಿಬ್ಬರ ಗುರುತು ಇನ್ನೂ ಪತ್ತೆಯಾಗಿಲ್ಲ.

(ಇನ್ಫೋ ವಾರ್ತೆ)