ತ್ವರಿತ ಅಲರ್ಟ್ ಗಳಿಗಾಗಿ
For Daily Alerts
ಜುಲೈ 30ರಂದು ತೆರಿಗೆ ಅಧಿಕಾರಿಗಳೊಂದಿಗೆ ಫೋನ್ ಇನ್ ಕಾರ್ಯಕ್ರಮ
ಬೆಂಗಳೂರು : ಆದಾಯ ತೆರಿಗೆಯ ಹೆಸರು ಕೇಳಿದರೆ ಕೆಲವರಿಗೆ ಮೈ ನಡುಗುತ್ತದೆ. ತೆರಿಗೆ ಕಟ್ಟಬೇಕು, ಕಟ್ಟಿದ ನಂತರ ರಿಟರ್ನ್ಸ್ ಸಲ್ಲಿಸಬೇಕು. ಅದರಲ್ಲಿ ತಿಳಿದೋ ತಿಳಿಯದೆಯೋ ತಪ್ಪಿದ್ದಲ್ಲಿ ಏನಪ್ಪಾ ಗತಿ? ಎಂಬಿತ್ಯಾದಿ ಹಲವು ಗೊಂದಲಗಳು ಕಾಡುತ್ತವೆ.
ಜನರಲ್ಲಿ ಸಾಮಾನ್ಯವಾಗಿ ಅಡಗಿರುವ ತೆರಿಗೆ ಭೀತಿಯನ್ನು ತಪ್ಪಿಸಲು ಬೆಂಗಳೂರು ಆಕಾಶವಾಣಿ ಜುಲೈ 30ರ ರಾತ್ರಿ 10 ಗಂಟೆಗೆ ತೆರಿಗೆ ಅಧಿಕಾರಿಗಳೊಂದಿಗೆ ನೇರ ಫೋನ್ ಇನ್ ಕಾರ್ಯಕ್ರಮ ಪ್ರಸಾರ ಮಾಡುತ್ತಿದೆ. ಈ ಕಾರ್ಯಕ್ರಮದಲ್ಲಿ ಬೆಂಗಳೂರು ಆದಾಯ ತೆರಿಗೆ ಇಲಾಖೆಯ ಹಿರಿಯ ಅಧಿಕಾರಿಗಳು ಭಾಗವಹಿಸಿ, ಶ್ರೋತೃಗಳ ಪ್ರಶ್ನೆಗಳಿಗೆ ಉತ್ತರ ನೀಡುತ್ತಾರೆ.
ನಿಮ್ಮ ಮನಸ್ಸಿನಲ್ಲಿರುವ ಗೊಂದಲಗಳನ್ನು ನಿವಾರಿಸುತ್ತಾರೆ. ಸೋಮವಾರ ರಾತ್ರಿ ದೂರವಾಣಿ ಸಂಖ್ಯೆ 2264654, 2281206, 2268152, 2268151 ಗಳಿಗೆ ಫೋನ್ ಮಾಡಿ ನೀವೂ ನಿಮ್ಮ ಪ್ರಶ್ನೆಗಳನ್ನು ಕೇಳಬಹುದು ಎಂದು ಬೆಂಗಳೂರು ಆಕಾಶವಾಣಿಯ ಮಾಧ್ಯಮ ಪ್ರಕಟಣೆ ತಿಳಿಸಿದೆ.
ಮುಖಪುಟ / ಇವತ್ತು... ಈ ಹೊತ್ತು...
Comments
Story first published: Sunday, July 29, 2001, 5:30 [IST]