2002 ವಿಶ್ವಕಪ್‌ ಹಾಕಿಗೆ ಅರ್ಹತೆ ಸಂಪಾದಿಸಿದ ಭಾರತ ತಂಡ

ಎಡಿನ್‌ಬರ್ಗ್‌ : ಅತ್ಯುತ್ತಮ ಸಂಘಟಿತ ಹೋರಾಟದ ಫಲವಾಗಿ ಭಾರತ ಹಾಕಿ ತಂಡವು ಇಲ್ಲಿ ನಡೆಯುತ್ತಿರುವ ವಿಶ್ವಕಪ್‌ ಹಾಕಿ ಅರ್ಹತಾ ಸುತ್ತಿನ ಪಂದ್ಯದಲ್ಲಿ ಪ್ರಬಲ ಕೆನಡಾವನ್ನು ಮಣಿಸಿ ವಿಶ್ವಕಪ್‌ ಹಾಕಿ ಛಾಂಪಿಯನ್‌ಷಿಪ್‌ ಟೂರ್ನಿಯಲ್ಲಿ ಪಾಲ್ಗೊಳ್ಳುವ ಅರ್ಹತೆ ಸಂಪಾದಿಸಿತು.

ಉತ್ತಮ ಹೋರಾಟ ಮೆರೆದ ಭಾರತ ತಂಡ ಕೆನಡಾ ತಂಡದ ವಿರುದ್ಧ 2-1 ಗೋಲುಗಳ ಗೆಲುವು ಸಾಧಿಸಿತು. ಮುಂದಿನ ಪಂದ್ಯವನ್ನು ಭಾರತ ಜಪಾನ್‌ ವಿರುದ್ಧ ಆಡುತ್ತಿದ್ದು, ಈ ಪಂದ್ಯದಲ್ಲಿ ಜಯಗಳಿಸಿದರೆ, ಅರ್ಹತಾ ಸುತ್ತಿನ ಪಂದ್ಯದಲ್ಲಿ 5ನೇ ಸ್ಥಾನ ಪಡೆಯಲಿದೆ.

ಶನಿವಾರದ ಗೆಲುವಿನಿಂದಾಗಿ ಭಾರತ ಹಾಲಿ 6ನೇ ಸ್ಥಾನ ಸಂಪಾದಿಸಿದೆ. 2002ನೇ ಇಸವಿಯಲ್ಲಿ ನಡೆಯಲಿರುವ ವಿಶ್ವಕಪ್‌ ಹಾಕಿ ಪಂದ್ಯದಲ್ಲಿ ಆಡಲು ಸ್ಪೇನ್‌, ಅರ್ಜೆಂಟೀನಾ, ಪೊಲೆಂಡ್‌, ಬೆಲ್ಜಿಯಂ, ಭಾರತ ಮತ್ತು ಜಪಾನ್‌ ತಂಡಗಳು ಅರ್ಹತೆ ಗಳಿಸಿವೆ.