ಬೆಂಗಳೂರು ಹೊರವಲಯದಲ್ಲಿ ದರೋಡೆ, ಮೂವರ ಮೇಲೆ ಹಲ್ಲೆ

ಬೆಂಗಳೂರು : ನಗರದ ಹೊರ ವಲಯಗಳ ತೋಟದ ಮನೆಗಳಲ್ಲಿ ದರೋಡೆ ವ್ಯಾಪಕವಾಗುತ್ತಿದೆ. ಇಂಥ ಪ್ರಕರಣಗಳಿಗೆ ಇನ್ನೊಂದು ಸೇರ್ಪಡೆ- ಬೆಂಗಳೂರು ಗ್ರಾಮಾಂತರ ಜಿಲ್ಲೆಯ ಚಿಕ್ಕಜಾಲ ಪೊಲೀಸ್‌ ಠಾಣೆ ವ್ಯಾಪ್ತಿಯ ಕೋಗಿಲು ಅಗ್ರಹಾರ ರಸ್ತೆಯ ತೋಟದ ಮನೆಯಲ್ಲಿ ಶುಕ್ರವಾರ ರಾತ್ರಿ 4 ಸಾವಿರ ರುಪಾಯಿ ನಗದು ಮತ್ತು ಚಿನ್ನಾಭರಣ ದರೋಡೆಯಾಗಿದೆ.

ಅಲಿ ಸಾಬ್‌ ಎಂಬುವರ ತೋಟದ ಮನೆಗೆ ಸುಮಾರು 14 ಮಂದಿ ಡಕಾಯಿತರು ನುಗ್ಗಿದ್ದಾರೆ. ಇವರನ್ನು ಪ್ರತಿಭಟಿಸಿದ ಅಲಿ ಸಾಬ್‌ ಅವರಿಗೆ ಕಬ್ಬಿಣದ ಸಲಾಕೆಯಿಂದ ಹೊಡೆದು ಗಾಯಗೊಳಿಸಿದ್ದಾರೆ. ಹಲ್ಲೆ ತಡೆಯಲು ಯತ್ನಿಸಿದ ಅಲಿ ಸಾಬ್‌ ಅವರ ಪತ್ನಿ ಹಾಗೂ ಬಾವ ಮೈದುನ ಅಮೀರ್‌ ಸಾಬ್‌ ಅವರುಗಳನ್ನೂ ಡಕಾಯಿತರು ಗಾಯಗೊಳಿಸಿದ್ದಾರೆ. ತೀವ್ರವಾಗಿ ಗಾಯಗೊಂಡಿರುವ ಅಲಿ ಸಾಬ್‌ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

(ಇನ್ಫೋ ವಾರ್ತೆ)