ಮಹಾವೀರ ಜೈನ್‌ ಆಸ್ಪತ್ರೆಯಿಂದ ಸಂಚಾರಿ ಕಾರ್ಡಿಯಾಕ್‌ ಲ್ಯಾಬ್‌

ಬೆಂಗಳೂರು: ಭಗವಾನ್‌ ಮಹಾವೀರ ಜೈನ್‌ ಹಾರ್ಟ್‌ ಸೆಂಟರ್‌ ಸಂಚಾರಿ ಹೃದ್ರೋಗ ಚಿಕಿತ್ಸಾ ಪ್ರಯೋಗಾಲವನ್ನು ಜುಲೈ 28ರಂದು ಆರಂಭಿಸಿದೆ.

ಏಷ್ಯಾದಲ್ಲಿಯೇ ಇ ಂಥಾ ಸಂಚಾರಿ ಹೃದ್ರೋಗ ಚಿಕಿತ್ಸಾ ಪ್ರಯೋಗಾಲಯವನ್ನು ಪ್ರಥಮ ಬಾರಿಗೆ ಆರಂಭಿಸಿದ ಕೀರ್ತಿ ಮಹಾವೀರ ಜಾನ್‌ ಆಸ್ಪತ್ರೆಗೆ ಸಲ್ಲಬೇಕು. ಸಂಚಾರಿ ಹೃದಯ ಚಿಕಿತ್ಸಾ ಕೇಂದ್ರವು 400 ಚದರ ಅಡಿ ವ್ಯಾಪ್ತಿಯದ್ದಾಗಿರುತ್ತದೆ. ಸುಲಭ ವಿಧಾನದಲ್ಲಿ ಮತ್ತು ವೈದ್ಯರ ನೇತೃತ್ವದಲ್ಲಿಯೇ ಚಿಕಿತ್ಸೆಗಳು ನಡೆಯುವುದರಿಂದ ರೋಗಿಗಳಿಗೆ ಇದರಿಂದ ಹೆಚ್ಚು ಉಪಯೋಗವಾಗಲಿದೆ ಎಂದು ಆಸ್ಪತ್ರೆಯ ಮುಖ್ಯಸ್ಥ ಡಾ. ಎಸ್‌. ಎಸ್‌.ರಮೇಶ್‌ ಹೇಳಿದ್ದಾರೆ.

ಆಸ್ಪತ್ರೆಯು ಹೃದ್ರೋಗ ಸಂಶೋಧನಾ ಅಕಾಡೆಮಿಯಾಂದನ್ನು ಆರಂಭಿಸಲಿದೆ. ಹೃದಯ ಚಿಕಿತ್ಸಾ ಅಧ್ಯಯನಕ್ಕೆ ಸಂಬಂಧಿಸಿದ ಅಕಾಡೆಮಿ ಸ್ಥಾಪನೆಯಾಗುತ್ತಿರುವುದು ದೇಶದಲ್ಲಿ ಇದೇ ಮೊದಲು. ಇಲ್ಲಿ ಮೆಡಿಕಲ್‌ ಮತ್ತು ಪ್ಯಾರಾ ಮೆಡಿಕಲ್‌ ವಿದ್ಯಾರ್ಥಿಗಳಿಗೆ ಹೆಚ್ಚಿನ ಅಧ್ಯಯನಕ್ಕೆ ಅವಕಾಶ ಕಲ್ಪಿಸಲಾಗುವುದು. ಆಸ್ಪತ್ರೆಯ ಹೊರರೋಗಿಗಳಿಗೆ ಉಚಿತ ಚಿಕಿತ್ಸೆಯನ್ನೂ ನೀಡಲಾಗುತ್ತಿದೆ.

(ಇನ್ಫೋ ವಾರ್ತೆ)