ಮಂಡ್ಯದ ನಿಡಘಟ್ಟದಲ್ಲಿ ರಸ್ತೆ ಅಪಘಾತ : 13 ಸಾವು, 20 ಮಂದಿ ಆಸ್ಪತ್ರೆಗೆ

ಬೆಂಗಳೂರು : ಮಂಡ್ಯ ಜಿಲ್ಲೆಯ ನಿಡಘಟ್ಟ ಬಳಿ ಕೇರಳ ರಾಜ್ಯ ರಸ್ತೆ ಸಾರಿಗೆ ಸಂಸ್ಥೆ ಬಸ್‌ ಹಾಗೂ ಲಾರಿ ನಡುವೆ ಶನಿವಾರ ಮುಂಜಾನೆ ಸಂಭವಿಸಿದ ಮುಖಾಮುಖಿ ಡಿಕ್ಕಿಯಿಂದ 13 ಮಂದಿ ಮೃತರಾಗಿದ್ದು, 20 ಜನ ಗಾಯಗೊಂಡಿದ್ದಾರೆ.

ಮೃತ ಪಟ್ಟವರಲ್ಲಿ ಮೂವರನ್ನು ಕೇರಳದ ರುಕ್ಮಿಣಿ, ಮಂಡ್ಯ ಜಿಲ್ಲೆಯ ಮರಿಯಗೌಡ ಹಾಗೂ ಮಣಿಕಂಠನ್‌ ಎಂದು ಗುರ್ತಿಸಲಾಗಿದೆ ಎಂದು ಕೆಎಸ್ಸಾರ್ಟಿಸಿ ಮೂಲಗಳು ಕನ್ನಡ.ಇಂಡಿಯಾ ಇನ್ಫೋ.ಕಾಂಗೆ ತಿಳಿಸಿವೆ. ನಿಧನರಾಗಿರುವ ಉಳಿದವರ ಹೆಸರುಗಳು ಇನ್ನೂ ತಿಳಿದುಬಂದಿಲ್ಲ. ಅಪಘಾತಕ್ಕೊಳ-ಗಾ-ದ ಬಸ್‌ ಬೆಂಗಳೂರಿನಿಂದ ಕೇರಳದ ವಡಾಗರಕ್ಕೆ ಹೋಗುತ್ತಿತ್ತು. ಕೊಳ್ಳೆಗಾಲದಿಂದ ಬೆಂಗಳೂರಿನತ್ತ ಬರುತ್ತಿದ್ದ ಲಾರಿಗೆ ಡಿಕ್ಕಿ ಹೊಡೆ-ಯಿತು. ಗಾಯಗೊಂಡವರಲ್ಲಿ 13 ಮಂದಿಯನ್ನು ಬೆಂಗಳೂರಿನ ನಿಮ್ಹಾನ್ಸ್‌ ಆಸ್ಪತ್ರೆಗೆ ಸೇರಿಸಲಾಗಿದೆ. ಇನ್ನು ಕೆಲವರು ಮದ್ದೂರಿನ ಆಸ್ಪತ್ರೆಯಲ್ಲಿ ಚಿಕಿತ್ಸೆ ಪಡೆಯುತ್ತಿದ್ದಾರೆ.

(ಇನ್ಫೋ ವಾರ್ತೆ)