ಫೂಲನ್‌ ಹತ್ಯೆಯ ಪ್ರಮುಖ ಆರೋಪಿ ಶೇರ್‌ ಸಿಂಗ್‌ ರಾಣಾ ಬಂಧನ

ನವದೆಹಲಿ : ಫೂಲನ್‌ ದೇವಿ ಹತ್ಯೆ ಪ್ರಕರಣದ ಪ್ರಮುಖ ಆರೋಪಿ ಶೇರ್‌ ಸಿಂಗ್‌ ರಾಣಾ ಅಲಿಯಾಸ್‌ ಪಂಕಜ್‌ನನ್ನು ಉತ್ತರಾಂಚಲ ಪೊಲೀಸರು ಡೆಹ್ರಾಡೂನ್‌ನಲ್ಲಿ ಶುಕ್ರವಾರ ಬಂಧಿಸಿದ್ದಾರೆ. ಪೊಲೀಸರ ವಶದಲ್ಲಿರುವ ಈತನನ್ನು ದೆಹಲಿಗೆ ತರಲಾಗುತ್ತದೆ ಎಂದು ಪೊಲೀಸ್‌ ಮೂಲಗಳು ತಿಳಿಸಿವೆ.

ರಾಜ್ಯದ ರೂರ್ಕಿ, ಹರಿದ್ವಾರ ಮತ್ತಿತರ ಪ್ರದೇಶಗಳಲ್ಲಿ ವ್ಯಾಪಕ ತಲಾಷು ನಡೆದಿದ್ದು ಆರೋಪಿಗಳನ್ನು ಪೊಲೀಸರು ಕ್ಷಿಪ್ರವಾಗಿ ಬಂಧಿಸಲಿದ್ದಾರೆ ಎಂದು ಉತ್ತರಾಂಚಲದ ಡಿಜಿಪಿ, ಎ.ಕೆ.ಶರಣ್‌ ಟಿವಿ ಚಾನೆಲೊಂದಕ್ಕೆ ತಿಳಿಸಿದ್ದಾರೆ. ಶುಕ್ರವಾರ ಸಂಜೆ ಹೊತ್ತಿಗೆ ಪಂಕಜ್‌ ಬಂಧನದ ಪೂರ್ಣ ವಿವರಗಳನ್ನು ಸುದ್ದಿಗೋಷ್ಠಿಯಲ್ಲಿ ಶರಣ್‌ ನೀಡುವ-ರು. ಫೂಲನ್‌ ದೇವಿ ಪತಿ ಉಮೇದ್‌ ಸಿಂಗ್‌ ಅವರನ್ನೂ ವಿಚಾರಣೆಗೆ ಒಳಪಡಿಸಲಾಗು-ವು-ದು.

(ಇನ್ಫೋ ವಾರ್ತೆ)