ಕೋಲಾರದ ಕುಡಿಯುವ ನೀರಿನ ಯೋಜನೆ ಪಾಕ್‌ನಿಂದ ಹಣ

ಕೋಲಾರ : ಪಾಕಿಸ್ತಾನ ಮತ್ತು ಭಾರತ ನಡುವೆ ಬಿಗು ವಾತಾವರಣ ಇದ್ದರೂ ಕರಾಚಿಯ ರೋಟರಿ ಕ್ಲಬ್‌ ಕೋಲಾರದ ಕುಡಿಯುವ ನೀರಿನ ದುರವಸ್ಥೆಯನ್ನು ನೀಗಿಸಲು ಮುಂದೆ ಬಂದಿದೆ.

ಕುಡಿಯುವ ನೀರಿನ ಸಮಸ್ಯೆಯನ್ನು ಪರಿಹರಿಸುವ ದೃಷ್ಠಿಯಿಂದ ಕೋಲಾರ ನಗರ ರೋಟರಿ ಕ್ಲಬ್‌ನ ಸಹಯೋಗದಲ್ಲಿ ಕುಡಿಯುವ ನೀರಿನ ಯೋಜನೆಯನ್ನು ಮಧ್ಯ ಕರಾಚಿಯ ರೋಟರಿ ಕ್ಲಬ್‌ ಕೈಗೆತ್ತಿಕೊಂಡಿದೆ. ನಗರದ ಕೆಎಸ್‌ಆರ್‌ಟಿಸಿ ಬಸ್‌ ನಿಲ್ದಾಣದ ಬಳಿ 1.65 ಲಕ್ಷ ರೂಪಾಯಿ ವೆಚ್ಚದಲ್ಲಿ ಕುಡಿಯುವ ನೀರಿನ ಈ ಯೋಜನೆ ತಲೆಯೆತ್ತಲಿದೆ ಎಂದು ನಗರ ರೋಟರಿ ಕ್ಲಬ್‌ಅಧ್ಯಕ್ಷ ಕೆ. ವಿ. ರಾಮಪ್ಪ ತಿಳಿಸಿದ್ದಾರೆ.

ಕೋಲಾರ ನಗರ ರೋಟರಿ ಕ್ಲಬ್‌ ಸರಕಾರದ ಸಹಾಯಕ್ಕೆ ಕಾಯದೆ ಸ್ಥಳೀಯ ಸಂಘ ಸಂಸ್ಥೆಗಳ ನೆರವಿನಿಂದ ಶ್ರೀನಿವಾಸ ಪುರ, ಗೌರಿ ಬಿದನೂರು, ಮುಳಬಾಗಲು, ಮಾಲೂರು ಮತ್ತು ಚಿಕ್ಕಬಳ್ಳಾಪುರ ದ 69 ಹೋಬಳಿಗಳ ಪ್ರಾಥಮಿಕ ಆರೋಗ್ಯ ಕೇಂದ್ರಗಳಲ್ಲಿ ಆರೋಗ್ಯ ತಪಾಸಣಾ ಮತ್ತು ಸಣ್ಣ ಪ್ರಮಾಣದ ಚಿಕಿತ್ಸಾ ಕಾರ್ಯಕ್ರಮಗಳನ್ನು ಹಮ್ಮಿಕೊಂಡಿದೆ ಎಂದು ರಾಮಪ್ಪ ಹೇಳಿದ್ದಾರೆ.

(ಇನ್ಫೋ ವಾರ್ತೆ)