ಇಂಗ್ಲೆಂಡಿನ ಮಾಹಿತಿ ತಂತ್ರಜ್ಞಾನದಲ್ಲಿ ಭಾರತದ ಜೋರು ಬಂಡವಾಳ

ಬ್ರಿಟನ್‌ : ಇಂಗ್ಲೆಂಡಿನ ಮಾಹಿತಿ ತಂತ್ರಜ್ಞಾನ ಕ್ಷೇತ್ರದಲ್ಲಿ ಅತಿ ಹೆಚ್ಚು ಬಂಡವಾಳ ಹೂಡಿರುವ ದೇಶಗಳ ಯಾದಿಯಲ್ಲಿ ಭಾರತ 8ನೇ ಸ್ಥಾನದಲ್ಲಿದೆ ಎಂದು ಭಾರತದ ಹೈ ಕಮಿಷನರ್‌ ನರೇಶ್ವರ್‌ ದಯಾಳ್‌ ತಿಳಿಸಿದ್ದಾರೆ. ವಿವಿಧ ಪರಿಣತರು ಮಾಹಿತಿ ತಂತ್ರಜ್ಞಾನದಲ್ಲಿ ಭಾರತ-ಬ್ರಿಟನ್ನಿನ ಒಡಂಬಡಿಕೆ ವಗೈರೆಗಳ ಬಗ್ಗೆ ಆಡಿರುವ ಮಾತುಗಳು ಇಂತಿವೆ...

ಬ್ರಿಟಿಷ್‌ ಆಕ್ಸಿಜನ್‌ ಗ್ರೂಫ್‌ನ ಅಧ್ಯಕ್ಷ ಸರ್‌ ಡೇವಿಡ್‌ ಜಾನ್‌- ಭಾರತ ಹಾಗೂ ಬ್ರಿಟನ್‌ ಎರಡೂ ರಾಷ್ಟ್ರಗಳಿಗೆ ಲಾಭದಾಯಕವಾಗುವ ರೀತಿಯಲ್ಲಿ ಇತರೆ ರಾಷ್ಟ್ರಗಳೊಟ್ಟಿಗೆ ಒಡಂಬಡಿಕೆ ಮಾಡಿಕೊಳ್ಳಬೇಕು.

ಭಾರತೀಯ ಕೈಗಾರಿಕಾ ಒಕ್ಕೂಟ (ಸಿಐಐ) ದ ಅಧ್ಯಕ್ಷ ಸಂಜೀವ್‌ ಗೋಯಂಕಾ- ವೈಮಾನಿಕ, ರಸ್ತೆ ಹಾಗೂ ಮೂಲಭೂತ ಸೌಕರ್ಯ ಮತ್ತಿತರ ಕ್ಷೇತ್ರಗಳಲ್ಲೂ ಭಾರತ- ಇಂಗ್ಲೆಂಡ್‌ ಕೈಜೋಡಿಸಬೇಕು. ಕೇವಲ ಮಾಹಿತಿ ತಂತ್ರಜ್ಞಾನದ ಅಭಿವೃದ್ಧಿ ಸರ್ವತೋಮುಖ ಪ್ರಗತಿಯಾಗಲಾರದು.

ಅಶೋಕ್‌ ಸೂಟ, ಸಿಐಐ ಉಪಾಧ್ಯಕ್ಷ ಹಾಗೂ ಮೈಂಡ್‌ ಟ್ರೀ ಕನ್ಸಲ್ಟಿಂಗ್‌ ಪ್ರೆೃ. ಲಿ. ಅಧ್ಯಕ್ಷ- ಡಾಟ್‌ಕಾಂಗಳಿಗೆ ಉಳಿಗಾಲ ಇಲ್ಲವಾಗುತ್ತಿದೆಯಾದರೂ, ಇಂಟರ್ನೆಟ್‌ಗೆ ಸಾವಿಲ್ಲ. ಬದಲಿಗೆ ಅದು ಬೆಳೆಯುತ್ತಲೇ ಇದ್ದು, ನಮ್ಮ ಜೀವನದ ಅನೇಕ ಕ್ಷೇತ್ರಗಳಲ್ಲಿ ಹಾಸುಹೊಕ್ಕಾಗಲಿದೆ.

ಕಂಪ್ಯೂಟರ್‌ ಸಾಪ್ಟ್‌ವೇರ್‌ ಸರ್ವಿಸಸ್‌ ಅಸೋಸಿಯೇಷನ್‌ನ ಪ್ರಧಾನ ನಿರ್ದೇಶಕ ಜಾನ್‌ ಹಿಗ್ಗಿನ್ಸ್‌- ಬ್ರಿಟನ್ನಿನ ಮಾಹಿತಿ ತಂತ್ರಜ್ಞಾನ ಮಾರುಕಟ್ಟೆಯ ಮೌಲ್ಯ 20 ಶತಕೋಟಿ ಪೌಂಡ್‌ಗಳಷ್ಟಿದೆ. -ಪ್ರ-ತಿಶತ 7ರಷ್ಟು ಗತಿಯಲ್ಲಿ ಈ ಕ್ಷೇತ್ರ ಬೆಳೆಯುತ್ತಿದ್ದು, ಭಾರತ ಮತ್ತಷ್ಟು ಬಂಡವಾಳವನ್ನು ಇಲ್ಲಿ ಹೂಡುವುದು ಒಳ್ಳೆಯದು. ಅದರಲ್ಲೂ ಸಾಫ್ಟ್‌ವೇರ್‌ ಮಾರುಕಟ್ಟೆ ಇಲ್ಲಿ ಭಾರೀ ಜೋರಾಗಿದೆ.

(ಏಜೆನ್ಸೀಸ್‌)