‘ವಿಫ್ರೋ ಇನ್ಫೋಟೆಕ್‌’ ಸೀಮೋಲ್ಲಂಘನ ಗಾಥೆಗೆ ಸಿಂಗಪೂರ್‌ ಸೇರ್ಪಡೆ

ಬೆಂಗಳೂರು : ಐಟಿ ದೈತ್ಯ ‘ವಿಫ್ರೋ ಲಿಮಿಟೆಡ್‌’ನ ಪ್ರಮುಖ ವಿಭಾಗವಾದ ‘ವಿಫ್ರೋ ಇನ್ಫೋಟೆಕ್‌’ ಸೀಮೋಲ್ಲಂಘನದ ಮತ್ತೊಂದು ಸಾಹಸಗಾಥೆ ಬರೆದಿದ್ದು , ಮಂಗಳವಾರ ಸಿಂಗಪೂರ್‌ನಲ್ಲಿ ತನ್ನ ಕಾರ್ಯಾಚರಣೆಯನ್ನು ಪ್ರಾರಂಭಿಸಿತು.

ಮಾಹಿತಿ ತಂತ್ರಜ್ಞಾನ ಕ್ಷೇತ್ರದ ಜಾಗತಿಕ ನಾಯಕರಲ್ಲೊಂದಾದ ವಿಫ್ರೋ ಲಿಮಿಟೆಡ್‌ ಮಾರುಕಟ್ಟೆಯಲ್ಲಿ 6.8 ಬಿಲಿಯನ್‌ ಡಾಲರ್‌ಗಳ ವಹಿವಾಟನ್ನು ಹೊಂದಿದೆ. ಸಿಂಗಪೂರನ್ನು ಪ್ರಾದೇಶಿಕ ಕೇಂದ್ರಸ್ಥಾನವಾಗಿಸಿಕೊಂಡಿರುವ ವಿಫ್ರೋ ಲಿಮಿಟೆಡ್‌ ಮಲೇಷಿಯಾ, ಥೈಲ್ಯಾಂಡ್‌, ಫಿಲಿಫೈನ್ಸ್‌, ಇಂಡೋನೇಷಿಯಾ, ವಿಯಾಟ್ನಂ, ಆಸ್ಟ್ರೇಲಿಯಾ ಹಾಗೂ ನ್ಯೂಜಿಲೆಂಡ್‌ಗಳಲ್ಲೂ ತನ್ನ ಸೇವಾ ವ್ಯಾಪ್ತಿಯನ್ನು ಹೊಂದಿದೆ.

ಮೂಲಭೂತ ನಿರ್ವಹಣಾ ಸೇವೆಗಳು, ವಾಣಿಜ್ಯ ಪರಿಹಾರೋಪಯಗಳು, ವ್ಯವಸ್ಥೆಯ ಹೊಂದಾಣಿಕೆ, ತ್ರಾಸದಾಯಕ ಮಾಹಿತಿಯ ನಿರ್ವಹಣೆ ಸೇರಿದಂತೆ ವಿವಿಧ ಸೇವೆಗಳನ್ನು ವಿಫ್ರೋ ಇನ್ಫೋಟೆಕ್‌ ತನ್ನ ಗ್ರಾಹಕರಿಗೆ ಒದಗಿಸುತ್ತಿದೆ ಎಂದು ವಿಫ್ರೋ ಇನ್ಫೋಟೆಕ್‌ನ ಏಷ್ಯಾ ಫೆಸಿಪಿಕ್‌ ಕಾರ್ಯ ಚಟುವಟಿಕೆಗಳನ್ನು ಔಪಚಾರಿಕವಾಗಿ ಪ್ರಕಟಿಸಿರುವ ಅದರ ಅಧ್ಯಕ್ಷ ಸುರೇಶ್‌ ವಸ್ವಾನಿ ಮಾಧ್ಯಮ ಪ್ರಕಟಣೆಯಲ್ಲಿ ತಿಳಿಸಿದ್ದಾರೆ.

ಐಟಿ ಸೇವೆಗಳನ್ನು ಒದಗಿಸುವ ಮೊದಲ 10 ಜಾಗತಿಕ ಕಂಪನಿಗಳಲ್ಲಿ ಒಂದಾಗುವ ಮಹತ್ವಾಕಾಂಕ್ಷೆಯ ಗುರಿಯನ್ನು ವಿಫ್ರೋ ಇನ್ಫೋಟೆಕ್‌ ಹೊಂದಿರುವುದಾಗಿಯೂ ಸುರೇಶ್‌ ತಮ್ಮ ಹೇಳಿಕೆಯಲ್ಲಿ ಹೇಳಿದ್ದಾರೆ.

(ಯುಎನ್‌ಐ)