ಬಳ್ಳಾರಿಯಲ್ಲಿ ತೆಲುಗು ಕವಿ ಶಲಾಕ ರಘುನಾಥ ಶರ್ಮರಿಗೆ ಸನ್ಮಾನ

ಬಳ್ಳಾರಿ : ಇಲ್ಲೊಂದು ತೆಲುಗು ಕಾರ್ಯಕ್ರಮ. ತೆಲುಗು ಕವಿ, ಲೇಖಕ ಪ್ರೊ.ಆಚಾರ್ಯ ಶಲಾಕ ರಘುನಾಥ ಶರ್ಮ ಅವರಿಗೆ ಆತ್ಮೀಯ ಸನ್ಮಾನ. ಕಾರ್ಯಕ್ರಮವನ್ನು ಏರ್ಪಡಿಸಿದ್ದು ಆಂಧ್ರ ಕಲಾ ಸಮಿತಿ.

ಷಷ್ಠ್ಯಬ್ಧಿ ಪ್ರಯುಕ್ತ ಏರ್ಪಡಿಸಿದ್ದ ಕಾರ್ಯಕ್ರಮದಲ್ಲಿ ಸನ್ಮಾನಿತರಾಗಿ ಮಾತನಾಡಿದ ಶರ್ಮರು ವಾಲ್ಮೀಕಿ ರಾಮಾಯಣ ಕವಿಗಳಿಗೆ ಮತ್ತು ಸಾಹಿತಿಗಳ ಮೇಲೆ ಕಾಲ ಬೇಧವಿಲ್ಲದೆ ಅಪಾರ ಪ್ರಭಾವ ಬೀರಿದೆ ಎಂದರು. ಈ ಸಂದರ್ಭದಲ್ಲಿ ಅವರು ರಾಮಾಯಣ ಕಲ್ಪವೃಕ್ಷಂ - ಕವಿ ಪ್ರತಿಭಾ ಎಂಬ ವಿಷಯದ ಬಗ್ಗೆ ಉಪನ್ಯಾಸ ನೀಡಿದರು.

ಸನ್ಮಾನ ಸಮಾರಂಭದ ಮುಖ್ಯ ಅತಿಥಿಗಳಾಗಿದ್ದ ಜಾನಪದ ಸಾಹಿತಿ ‘ಹಾಸ್ಯಭಾರತಿ’ಯ ಅಮಲ್ಲಾಧಿನ್ನೆ ಗೋಪಿನಾಥ್‌, ಮಾನಸಿಕ ಒತ್ತಡದಿಂದ ಹೊರಬರಲು ಹಾಸ್ಯಕ್ಕಿಂತ ದೊಡ್ಡ ಔಷಧಿ ಇನ್ನೊಂದಿಲ್ಲ ಎನ್ನುತ್ತಾ ತೆಲುಗು ಹಾಸ್ಯ ಗೀತೆಗಳೆರಡನ್ನು ಹಾಡಿ ಸಭಿಕರನ್ನು ನಗಿಸಿದರು.

ಆಂಧ್ರಕಲಾ ಸಮಿತಿ ಅಧ್ಯಕ್ಷ ಮುಳ್ಳಂಗಿ ಚಂದ್ರಶೇಖರ್‌ ಚೌಧುರಿ ಶರ್ಮರಿಗೆ ಶಾಲು ಹೊದೆಸಿ, ಫಲ ಪುಷ್ಪವಿತ್ತು ಸನ್ಮಾನಿಸಿದರು.

(ಇನ್ಫೋ ವಾರ್ತೆ)