ಗಣಿಗಾರಿಕೆ: ತುಂಗಭದ್ರಾನದಿ ಪಾತ್ರದ 7ಜಿಲ್ಲೆಗಳ ಬಂದ್‌ ಘೋಷಣೆ

ಶಿವಮೊಗ್ಗ : ಕುದುರೆಮುಖ ಗಣಿಗಾರಿಕೆಯನ್ನು ವಿರೋಧಿಸಿ ಡಾ. ಯು.ಆರ್‌. ಅನಂತ ಮೂರ್ತಿ ನೇತೃತ್ವದಲ್ಲಿ ನಡೆಯುತ್ತಿರುವ ತುಂಗಾ ಮೂಲ ಉಳಿಸಿ ಚಳವಳಿ ತೀವ್ರಗೊಂಡಿದ್ದು, ಜುಲೈ 24ರ ಮಂಗಳವಾರ ತುಂಗಭದ್ರಾ ನದಿ ಪಾತ್ರದ ಏಳು ಜಿಲ್ಲೆಗಳಲ್ಲಿ ಬಂದ್‌ ನಡೆಸಲು ನಿಶ್ಚಯಿಸಲಾಗಿದೆ.

ಸುಮಾರು 70 ಸಂಘಟನೆಗಳು ಈಗಾಗಲೇ ಈ ಬಂದ್‌ಗೆ ತಮ್ಮ ಬೆಂಬಲ ನೀಡಿದ್ದು, ಹೋರಾಟದ ಕೇಂದ್ರ ಸ್ಥಾನ ಶಿವಮೊಗ್ಗದಲ್ಲಿ ಹೋರಾಟ ಹೆಚ್ಚು ಯಶಸ್ವಿಯಾಗುವ ಲಕ್ಷಣಗಳು ಕಾಣಿಸುತ್ತಿವೆ. ಆಟೋ ಮತ್ತು ಬಸ್‌ ಮಾಲಿಕರು ಬಂದ್‌ನ್ನು ಬೆಂಬಲಿಸಿ, ಪೋಸ್ಟರ್‌ಗಳನ್ನು ತಮ್ಮ ವಾಹನಗಳ ಮೇಲೆ ಅಂಟಿಸಿಕೊಂಡು ಚಲಿಸುತ್ತಿದ್ದಾರೆ.

ಡಾ. ಅನಂತ ಮೂರ್ತಿ ಸೋಮವಾರವೇ ಶಿವಮೊಗ್ಗದಲ್ಲಿ ಮೊಕ್ಕಾಂ ಹೂಡಿದ್ದು, ಬಂದ್‌ ಯಶಸ್ವಿಗಾಗಿ ಎಲ್ಲ ಪ್ರಯತ್ನಗಳನ್ನು ಮಾಡುತ್ತಿದ್ದಾರೆ. ಸಂಘಸಂಸ್ಥೆಗಳ ಅಧ್ಯಕ್ಷರ ಮನೆಗೆ ಸ್ವತಃ ತೆರಳಿ ಬಂದ್‌ಗೆ ಬೆಂಬಲ ನೀಡುವಂತೆ ಅನಂತಮೂರ್ತಿ ಕೇಳಿಕೊಂಡಿದ್ದು, ಮಂಗಳವಾರ ಶಿವಮೊಗ್ಗ ನಗರದಲ್ಲಿ ಬೃಹತ್‌ ಮೆರವಣಿಗೆ ಮತ್ತು ಸಾರ್ವಜನಿಕ ಸಭೆ ನಡೆಯಲಿದೆ.

(ಇನ್ಫೋ ವಾರ್ತೆ)

ಮುಖಪುಟ / ಇವತ್ತು... ಈ ಹೊತ್ತು...