ಸಿ.ಡಿ. ರಾಮ್‌ನಲ್ಲಿ ಶಾಸನಗಳನ್ನು ಓದುವ ಕಾಲ ದೂರವಿಲ್ಲ

ಮೈಸೂರು : ಭಾರತದಲ್ಲಿ ದೊರೆತಿರುವ ಒಂದು ಲಕ್ಷ ಪ್ರಮುಖ ಶಾಸನಗಳನ್ನು ಸಿ.ಡಿ. ರಾಮ್‌ ಆಗಿ ಪರಿವರ್ತಿಸುವ ಯೋಜನೆಯಾಂದನ್ನು ಕೇಂದ್ರ ಸರಕಾರದ ಒಪ್ಪಿಗೆಗಾಗಿ ಸಲ್ಲಿಸಲಾಗಿದೆ. ಈ ವಿಷಯವನ್ನು ಪುರಾತತ್ವ ಸರ್ವೇಕ್ಷಣಾ ಇಲಾಖೆಯ ಶಾಸನಶಾಸ್ತ್ರ ವಿಭಾಗದ ನಿರ್ದೇಶಕ ಎಂ.ಡಿ. ಸಂಪತ್‌ ಇಲ್ಲಿ ತಿಳಿಸಿದ್ದಾರೆ.

ಈ ಯೋಜನೆಗೆ 20 ಲಕ್ಷ ರುಪಾಯಿ ಆಗಲಿದೆ ಎಂದು ಅಂದಾಜು ಮಾಡಲಾಗಿದೆ. ಬಹು ಪುರಾತನವಾದ ಶಾಸನಗಳನ್ನು ಮುಂದಿನ ಪೀಳಿಗೆಗೆ ಜೋಪಾನವಾಗಿಡಲು ಡಿಜಿಟಲ್‌ ರೂಪದಿ ಅಳವಡಿಸುವುದು ಅತ್ಯಗತ್ಯ ಎಂದು ಅವರು ಮಾಧ್ಯಮ ಪ್ರತಿನಿಧಿಗಳಿಗೆ ತಿಳಿಸಿದರು.

ಶಾಸನಶಾಸ್ತ್ರ ವಿಭಾಗವು ಈಗಾಗಲೇ 7 ಸಾಫ್ಟ್‌ವೇರ್‌ಗಳನ್ನು ಕನ್ನಡ, ತಮಿಳು, ತೆಲುಗು, ಮಲೆಯಾಳಂ, ದೇವನಾಗರಿ, ಅರೆಬಿಕ್‌, ಪರ್ಷಿಯನ್‌ ಹಾಗೂ ರೋಮನ್‌ ಲಿಪಿಗಳಲ್ಲಿ ಹೊರತಂದಿರುವುದಾಗಿ ತಿಳಿಸಿದ ಸಂಪತ್‌, ಸ್ನಾತಕೋತ್ತರ ಪದವೀಧರರಿಗೆ ಇಲಾಖೆಯು ಅಲ್ಪಾವಧಿಯ ಶೈಕ್ಷಣಕ ಕೋರ್ಸ್‌ಗಳನ್ನೂ ಆರಂಭಸಿದೆ ಎಂದರು.

ಮೊದಲ ತಂಡದಲ್ಲಿ ಭಾರತದ ವಿವಿಧ ಭಾಗಗಳ ತಜ್ಞರು ಈ ತರಬೇತಿ ಶಿಬಿರದಲ್ಲಿ ಪಾಲ್ಗೊಂಡು, ಶಾಸನಶಾಸ್ತ್ರ, ಬ್ರಾಹ್ಮೀಲಿಪಿ, ನಾಣ್ಯ ರಚನಾಶಾಸ್ತ್ರ, ಪುರಾತನ ಕಲೆ, ಸಂಖ್ಯಾಶಾಸ್ತ್ರ, ದೇವನಾಗರಿ, ಬೆಂಗಾಲಿ, ಒರಿಯಾ, ತಮಿಳು, ತೆಲುಗು, ಕನ್ನಡ ಶಾಸನಗಳ ಬಗ್ಗೆ ತರಬೇತಿ ನೀಡಲಾಯಿತು ಎಂದು ಅವರು ಹೇಳಿದರು.

(ಯು.ಎನ್‌.ಐ)