ಪಂಕ್ಚರಾಗದ ಕೈನೆಟಿಕ್‌ ಟೈರ್‌, ಇದು ಬೆಂಗಳೂರಿಗರ ಫ್ಯಾಮಿಲಿ ಕಾರ್‌

ಬೆಂಗಳೂರು : ದ್ವಿಚಕ್ರ ವಾಹನಗಳ ಮಾರುಕಟ್ಟೆಯಲ್ಲಿ ಕವಿದಿದ್ದ ಕಾರ್ಮೋಡ ಕರಗಿದೆ. ಅಗ್ಗದ ಚೀನಾ ವಾಹನಗಳ ಭಯ ಪೂರ್ಣ ಮಾಯವಾಗಿದೆ. ಸುಮಾರು 6 ತಿಂಗಳಿಂದ ತಣ್ಣಗಾಗಿದ್ದ ದ್ವಿಚಕ್ರ ವಾಹನ ತಯಾರಕರ ಸದ್ದು ಮತ್ತೆ ಶುರುವಾಗಿದೆ. ಮೊನ್ನೆ ತಾನೆ ಕವಾಸಕಿ ಕಂಪನಿ 2 ಹೊಸ ಬೈಕುಗಳನ್ನು ಮಾರುಕಟ್ಟೆಗೆ ಪರಿಚಯಿಸಿತು. ಇದೀಗ ಗೇರ್‌ ರಹಿತ್‌ ಸ್ಕೂಟರ್‌ ತಯಾರಿಕಾ ದಿಗ್ಗಜ ಕೈನೆಟಿಕ್‌ ಸರದಿ. ಬಂದಿದೆ ಕೈನೆಟಿಕ್‌ ಝಡ್‌ ಎಕ್ಸ್‌ ಝೂಮ್‌.

ಈಗಿರುವ ಕೈನೆಟಿಕ್‌ ಹೋಂಡಾವನ್ನು ಅಭಿವೃದ್ಧಿ ಪಡಿಸಿ, ಝಡ್‌ ಎಕ್ಸ್‌ ಝೂಮ್‌ ರೂಪಿ-ಸಲಾಗಿದೆ. ಆಟೋ ಸ್ಟಾರ್ಟ್‌, ಉತ್ತಮ ಪಿಕ್‌ಅಪ್‌ ಇರುವ ಈ ಗೇರ್‌ ರಹಿತ ಸ್ಕೂಟರ್‌ ಒಂದು ಲೀಟರ್‌ ಪೆಟ್ರೋಲಿನಿಂದ 50 ಕಿಲೋ ಮೀಟರ್‌ ಸಂಚರಿಸಲಿದೆ ಎಂದು ಕಂಪನಿಯ ಜಂಟಿ -ವ್ಯವಸ್ಥಾಪಕ ನಿರ್ದೇ-ಶಕಿ ಸೂಲಜ ಮಟ್ವಾನಿ ತಿಳಿಸಿದ್ದಾರೆ.

ಈ ಸ್ಕೂಟರ್‌ನ ವಿಶೇಷ ಏನಪ್ಪಾ ಅಂದರೆ, ಟೈರ್‌ ಪಂಕ್ಚರ್‌ ಆಗುವುದಿಲ್ಲ. ಪಂ-ಕ್ಚರ್‌ಲೆಸ್‌ ಲಿಕ್ವಿಡನ್ನು ಟಯರ್‌ಗೆ ಲೇಪಿಸಲಾಗಿರುತ್ತದೆ. ಅದನ್ನೂ ಮೀರಿ ಪಂಕ್ಚರ್‌ ಆದರೂ, ಸಮೀಪದ ಸರ್ವಿಸ್‌ ಸ್ಟೇಷನ್‌ವರೆಗೆ ಓಡಿಸಿಕೊಂಡೇ ಹೋಗಬಹುದು; ತಳ್ಳುವ ಅಗತ್ಯವಿಲ್ಲ. 110 ಸಿಸಿ ಎಂಜಿನ್‌ ಸಾಮರ್ಥ್ಯವಿರುವ ಈ ಸ್ಕೂಟರ್‌ ಬೆಲೆ 38,112 ರುಪಾಯಿ.

ಸದ್ಯದಲ್ಲೇ ಸ್ಟೇಬಲ್‌ ಎಂಬ ಮೋಟಾರ್‌ ಸೈಕಲ್ಲನ್ನೂ ಮಾರುಕಟ್ಟೆಗೆ ತರಲಿದೆಯಂತೆ ಕೈನೆಟಿಕ್‌. ಹೊಸ ಮಾದರಿಯ ಎರಡು ಸ್ಕೂಟರ್‌ ಹಾಗೂ ಮೊಪೆಡ್‌ಗಳನ್ನು ಈ ವರ್ಷವೇ ಬಿಡುಗಡೆ ಮಾಡುವ ಗುರಿ ಕಂಪನಿಯದು. ಪೆಟ್ರೋಲ್‌ ಕಾರ್ಡನ್ನು ಕೂಡ ಕಂಪನಿ ಪರಿಚಯಿಸಲಿದೆ.

ವಾರ್ಷಿಕ 1200 ಕೋಟಿ ರುಪಾಯಿ ವಹಿವಾಟು ಹೊಂದಿರುವ ಕೈನೆಟಿಕ್‌, ರಾಜ್ಯದ ಗೇರ್‌ ರಹಿತ ಸ್ಕೂಟರ್‌ ಮಾರುಕಟ್ಟೆಯಲ್ಲಿ 65 ಪ್ರತಿಶತ ಷೇರು ಹೊಂದಿದ್ದು, ಕಳೆದ ಕೆಲ ತಿಂಗಳಲ್ಲಿ ಸ್ಕೂಟರ್‌ ಮಾರಾಟದಲ್ಲಿ ಶೇ. 30ರಷ್ಟು ಹೆಚ್ಚು ವಹಿವಾಟು ನಡೆಸಿದೆ.

(ಇನ್ಫೋ ವಾರ್ತೆ)